Якшанба
07-Декабр 2025
Табиат учун бирлашишга чорлаётган марафон
Глобал миқёсда экологик муаммолар кучайиб бораётган бир пайтда, ҳар бир ҳудуд ўзининг келажаги ва атроф-муҳит барқарорлигини таъминлашга қаратилган амалий қадамлар ташламоқда. Сурхондарё вилоятида «Табиат учун бирлашайлик!» шиори остида ўтказилган веломарафон айнан шундай муҳим ижтимоий-экологик ташаббуслардан бирига айланди.
Мазкур тадбирнинг асосий мақсади – соғлом турмуш тарзини кенг тарғиб қилиш, ёшлар онгида экологик маданиятни шакллантириш ва табиатга бўлган меҳрни оширишдан иборат. Велосипеднинг ўзи атроф-муҳитга зарар етказмайдиган «яшил» транспорт тури бўлгани учун, уни тарғиб қилиш тадбирнинг экологик йўналишини янада кучайтиради.
Веломарафонда 200 нафардан зиёд ёшлар ва экофаоллар иштирок этишди. Улар Термиз шаҳридаги «Сурхон» спорт мажмуасидан старт олиб, уч километр масофани босиб ўтишди.
Тадбирнинг очилиш маросимида Ўзбекистон Экологик партияси Марказий кенгаши раисининг биринчи ўринбосари Баҳриддин Ҳофизов ҳамда бошқа масъуллар сўзга чиқдилар. Улар ўз нутқларида жисмоний фаолликни ошириш, ёшларни спортга жалб этиш билан бирга, атроф-муҳитни асрашда бундай тадбирларнинг ўрни беқиёслигини таъкидлашди. Ташкилотчиларнинг қайд этишича, мусобақа ёшларда жамоавий руҳ ва фаол фуқаролик позициясини ривожлантиришда муҳим аҳамият касб этди.
Мусобақанинг амалий қисми катта ҳаяжон ва муросасиз курашлар билан ўтди. Энг ёш иштирокчидан тортиб, тажрибали профессионал ва ҳаваскор спортчиларгача – барча қатнашчилар беллашувда юқори маҳорат ва ирода намойиш этдилар. Бу ёшларнинг нафақат экология, балки спорт соҳасида ҳам катта кучга эга эканлигини кўрсатди.
Финиш чизиғини биринчилардан бўлиб кесиб ўтган ғолиб ва совриндорлар ташкилотчилар ҳамда ҳамкорлар томонидан диплом ва эсдалик совғалари билан тақдирланди.
Веломарафон ёшларда нафақат экология ва спортга меҳр уйғотиш, уларда матонат, жамоавийлик ва ватанпарварлик каби муҳим туйғуларни мустаҳкамлашга хизмат қилади. Марафончилар фаол иштироки билан соғлом ҳаёт ва соф табиат тарафдори эканликларини яна бир бор исботлашди.
Кейинги йилларда Ўзбекистонда ўғил болалар кўпроқ туғилаётгани ҳақидаги хабарларга тез-тез кўзимиз тушмоқда. Сўнгги статистик маълумотларга кўра, жорий йилнинг дастлабки 9 ойи давомида мамлакатимизда 321 мингта қиз бола ва 343,6 мингта ўғил бола дунёга келган. Кўриб турганингиздек, ҳар 100 та қиз болага 107 та ўғил бола тўғри келяпти.
Батафсил
Анор юрак-қон томир тизими саломатлиги учун муҳим бўлган мевалардан биридир. B12 витаминининг кони экани ҳисобига қон босимини меъёрлаштиради, қон-томирлар деворини мустаҳкамлайди, эритроцит ва гемоглобин синтезида фаол иштирок этгани сабабли мия ва асаб тизимига ижобий таъсир қилади.
Батафсил
COVID-19 га қарши мРНК вакциналари саратон билан курашаётган айрим беморларнинг умрини узайтириб, касалликни даволашда самарали бўлиши мумкин.
Батафсил
Кейинги йилларда Ўзбекистонда ўғил болалар кўпроқ туғилаётгани ҳақидаги хабарларга тез-тез кўзимиз тушмоқда. Сўнгги статистик маълумотларга кўра, жорий йилнинг дастлабки 9 ойи давомида мамлакатимизда 321 мингта қиз бола ва 343,6 мингта ўғил бола дунёга келган. Кўриб турганингиздек, ҳар 100 та қиз болага 107 та ўғил бола тўғри келяпти.
Анор юрак-қон томир тизими саломатлиги учун муҳим бўлган мевалардан биридир. B12 витаминининг кони экани ҳисобига қон босимини меъёрлаштиради, қон-томирлар деворини мустаҳкамлайди, эритроцит ва гемоглобин синтезида фаол иштирок этгани сабабли мия ва асаб тизимига ижобий таъсир қилади.
COVID-19 га қарши мРНК вакциналари саратон билан курашаётган айрим беморларнинг умрини узайтириб, касалликни даволашда самарали бўлиши мумкин.
«Мен шифокор эгнидаги оқ либосни нафақат касб белгиси, балки Ватанга чексиз садоқат рамзи деб биламан. Бундан буён ҳам шифокорнинг, ҳар бир тиббиёт ходимининг обрўсини ҳимоя қилиш, унга ҳар томонлама муносиб шароит яратиш эътиборимиз марказида бўлади».
«Oila va TABIAT» газетасининг ўтган сонларидан бирида Муаззам Иброҳимованинг «Ош бўлмасин!» сарлавҳали мақоласини зўр бир қизиқиш билан ўқиб чиқдим. Мақолада тамаддихоналарда кечаги овқатдан чиққан ёғни қайта яна овқатга ишлатиш ҳолати ҳақида куюнчаклик билан фикр-мулоҳазалар ўртага ташланган.
