Жаҳон бўйича 228 мингдан ортиқ турдаги гуллайдиган ўсимликлар мавжуд. Бу сон ҳар йили янги турлар кашф этилиши ва таснифлар янгиланиши ҳисобига ўзгариб боради.

Сўнгги йилларда Европа бўйлаб ёввойи гуллар ва уларни чанглайдиган ҳашаротлар сони кескин камаймоқда.

Франция олимларининг тадқиқотларига кўра, сўнгги 20 – 30 йилда ёввойи гуллар ҳажм жиҳатидан 10 фоизга кичрайган, 20 фоиз камроқ нектар ишлаб чиқараётгани аниқланган. Бу гулларнинг чанглатувчилар томонидан кам чанглатилаётгани билан боғлиқлиги айтилган.

Европа Экология агентлигининг маълумотига кўра, капалакларнинг 20 фоизи, асалариларнинг 9 фоизи йўқолиш хавфи остида.

Бу ўзгаришлар гулларнинг ўз-ўзини чанглатишга ўтишига олиб келяпти. Яъни, улар ҳашаротларга кам эҳтиёж сезмоқда. Бу эса ўз нав­батида бутун экотизимга таъсир қилади, чунки ҳашаротлар озиқ-овқат занжирининг муҳим қисми ҳисобланади.