Англияда бўлиб ўтаётган партия сайловларида Яшиллар партияси Вестминстердаги депутатлар сонини нақд тўрт бараварга ошириб, партия тарихидаги энг кўп ўринга эга бўлди. Албатта, партия ўринларининг кенгайи­ши муттасил олиб борилаётган экологик тарғибот-ташвиқот ишларининг самарасидир.

Партия ҳамраиси Адриан Рамсей яшиллар партиясининг тўрт баравар кўп ўринни қўлга киритганини «Ақл бовар қилмайдиган иш», дея таърифлади. Партия етакчиси BBC News билан қилган суҳбатида «одамларнинг партияни бу даражада қўллаб-қувватлаши мени чинакамига ҳайратда қолдирди», дея эътироф этган. Унинг сўзларига кўра, сайловчилар бошқа партиялардан кўра, яшиллар партиясини «ижобий муқобил», дея топиб, партияни ёқлаб чиқишмоқда.

«Brighton Pavilion»ининг янги сайланган депутати Сиан Берри ушбу ғалабага «Биз бу сайловда олдимизга катта мақсад қўйган эдик ва биз барчасига эришдик. Экология инсонлар учун нақадар аҳамиятли экани яна ўз исботини топди. Бу нақадар ажойиб ҳиссиёт», дея изоҳ берди.

Маълумот учун, яшиллар партияси 2019 йилда бўлиб ўтган сайловда 3 фоиздан камроқ овозни қўлга киритган эди. Бу сафар партия олдига 7 фоизни мақсад қилиб қўйган. Партия аъзоларининг сўзларига кўра, авваллари одамлар экологик партия учун овоз беришга иккиланишар эди. Сабаби яшилилар партиясининг ғалаба қозонишига кўзлари етмаган.

Энди эса табиатнинг ўзи экология жонкуярлари бирлашишини тақозо этмоқда.

Нилуфар УБАЙДУЛЛАЕВА