Лестер ва Жанубий Африка университети олимларининг фикрича, пластик маҳсулотда ишлатиладиган бўёқлар унинг парчаланиш тезлигига ҳам сезиларли таъсир кўрсатади.

Масалан, қизил, кўк ва яшил каби ёрқин рангли пластмассалар кулранг, қора ва оқ рангдаги пластмассаларга қараганда тезроқ парчаланади ва зарарли микропластмасса ҳосил қилади. Яъни ёрқин рангдаги пластмассалар табиат ифлосланишини кучайтиради.

Олимлар ҳаво, тупроқ ва ҳаттоки инсон танасида ҳам мик­ропластмассалар борлигини аниқлади.

Бундан келиб чиқадики, пластик ишлаб чиқарувчилар қадоқларни лойиҳалашда унинг қайта ишланишини ҳам, унинг атроф-муҳитга таъсирини ҳам ҳисобга олишлари жуда муҳим аҳамиятга эга.

Қолаверса, пластик маҳсулотлар танлашда унинг рангига қуёш нурининг таъсирини ҳисобга олиш, буюмнинг узоқроқ хизмат қилишига ёрдам беради. Мисол учун, ташқи мебеллар танлашда иложи борича очиқ рангдагиларини танлаган маъқул.