Экоолам      Бош саҳифа

Бўлажак сиёсатчилар Экопартияда амалиёт бошлади

Айни вақтда кўплаб Олий таълим муассасалари талабаларига амалиёт ўташ даври келган. Амалиёт бўлғуси кадрлар учун энг муҳим жараёнлардан саналади. Айниқса, келгусида яхши мутахассис бўлишни истаган талаба борки, амалиётга жиддий эътибор қаратади, ўзи танлаган соҳанинг сир-асрорларини ўрганишни истайди.

Бўлажак сиёсатчилар Экопартияда амалиёт бошлади

Ўзбекистон Экологик партияси Марказий Кенгашида ҳам Ўзбекис­тон Миллий университетининг сиёсатшунослик йўналишида таҳсил олаётган бир гуруҳ талабалари амалиёт ўташни бошлади.

Куни кеча Экопартия раҳбари Абдушукур Ҳамзаев бўлажак сиёсатчилар билан учрашиб, партияларнинг келиб чиқиш тарихи, мамлакатимиздаги сиёсий партиялар, бугунги кунда Ўзбекистон Экологик партияси томонидан атроф-муҳитни муҳофаза қилиш борасида олиб борилаётган ишлар ҳақида атрофлича маълумот бериб ўтди.

– Ҳеч биримизга сир эмас, бугун иқлим ўзгариши, сув, ҳаво, чиқинди билан боғлиқ экологик муаммолар хавф солиб турибди. Партиямизнинг асосий мақсади кенг жамоатчилик ва ҳукуматнинг эътиборини мана шу экологик муаммоларга қаратган ҳолда уларга ижобий ечим топишдир. Бу борада экологиямизга бефарқ бўлмаган сиз каби бўлажак сиёсатчиларнинг бизга хайрихоҳлиги жуда муҳимдир, – деди А.Ҳамзаев.

Дарҳақиқат, охирги 50-60 йилда иқлим кескин ўзгариши, саҳроларнинг кенгайиши, чўлланиш ва ер деградацияси, маиший ва саноат чиқиндилари тобора ортиши, атмосферанинг зарарланиши, сув ресурслари ифлосланиши ва танқислиги, ўрмонлар ва биохилма-хилликнинг қисқариши инсоният учун ниҳоятда долзарб глобал экологик муаммога айланиб улгурди. Шу сабабли бутун дунёда ушбу муаммони бартараф этишга қаратилган изчил чора-тадбирлар амалга оширилмоқда. Ўзбекистонда ҳам ушбу йўналишда ҳал этилиши зарур бўлган кўплаб масалалар бор ва уларга ечим топиш, экология соҳасидаги давлат сиёсатини оқилона олиб боришда сиёсатчиларнинг ўрни катта.

– Мен ушбу партияда малакавий амалётни давом эттириб, фуқароларнинг экологик ҳуқуқларини таъминлашга бағишланган махсус нормаларни, давлат томонидан атроф-муҳитни яхшилаш, экологик мувозанатни сақлаш юзасидан кўрилаётган чораларни яхшилаб ўрганаман, таҳлил қиламан.

Келгуси фаолия­тимда экология соҳасидаги давлат сиёсатининг оқилона олиб борилишида оз бўлса-да ҳиссам қўшилишини хоҳлайман, – дейди талаба Акромжон Собиров.

Муҳайё Холмирзаева эса келгусида Экопартияда фаолият юритиш истагини билдирди:

– Ўзбекистон Экология партиясининг 5 йиллигига бағишланган китоб билан танишиб чиқдим. Шуни англадимки, фаолият бошлаганига кўп бўлмаганига қарамай, Ўзбекистон Экологик партияси кўплаб экологик масалаларда фаол. Фикримча, табиатни асраш ҳар бир инсоннинг бурчи бўлмоғи шарт. Шунинг учун ҳам дипломни қўлга киритгач шу партияда фаолият юритишни хоҳлайман.

Дарҳақиқат, экология соҳасида олдинда ечимини кутаётган масалалар кўп. Бу вазифаларнинг муваффақиятли ижросини таъминлаш, она табиатни асраш, экология ва аҳоли саломатлигини сақлаш билан боғлиқ долзарб муаммоларни ҳал этиш аҳоли ва келгуси авлодларнинг мусаффо табиатда яшаш ҳуқуқини кафолатлашда муҳим омил бўлиб хизмат қилиши, шубҳасиз. Бу йўлда эса бизга табиатсевар ёшларнинг кўмаги ниҳоятда зарур.

 

Ўзбекистон Экологик патияси

Марказий Кенгаши

матбуот хизмати




Ўхшаш мақолалар

Атроф-муҳитни муҳофаза қилишда  Ҳукуматнинг вазифалари  белгиланмоқда

Атроф-муҳитни муҳофаза қилишда Ҳукуматнинг вазифалари белгиланмоқда

🕔09:42, 14.06.2024 ✔21

Жорий йилнинг 10 июнь куни Олий Мажлис Қонунчилик палатасидаги Ўзбекистон Экологик партия­си фракциясининг навбатдаги йиғилишида «Ўзбекистон Республикаси Вазирлар Маҳкамаси тўғрисида»ги Конституциявий қонун лойиҳаси иккинчи ўқишда кўриб чиқилди.

Батафсил
Кимни алдаяпмиз ўзи?

Кимни алдаяпмиз ўзи?

🕔09:42, 14.06.2024 ✔37

Экилмаган кўчатни экилган деб ёзаётганларга тоза ҳаво керак эмасми?

Батафсил
Чўл бағридаги  табиат туҳфаси

Чўл бағридаги табиат туҳфаси

🕔09:23, 14.06.2024 ✔21

Қорақалпоғистон Республикаси бир-биридан хушманзара жойлари, ноёб табиати билан кўпчиликни ўзига мафтун қилиб келади. Бу ерда қадимий кўллар мавж уриб туради.

Батафсил
Ҳаммасино кўриш

Сонларни танлаш

Пайшанба, 30-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 19 18 17
16 15 14 11 10 9 8
7 6 5 4 3 2 1

Ҳаммасини кўриш 

Кўп ўқилганлар

  • Атроф-муҳитни муҳофаза қилишда  Ҳукуматнинг вазифалари  белгиланмоқда

    Атроф-муҳитни муҳофаза қилишда Ҳукуматнинг вазифалари белгиланмоқда

    Жорий йилнинг 10 июнь куни Олий Мажлис Қонунчилик палатасидаги Ўзбекистон Экологик партия­си фракциясининг навбатдаги йиғилишида «Ўзбекистон Республикаси Вазирлар Маҳкамаси тўғрисида»ги Конституциявий қонун лойиҳаси иккинчи ўқишда кўриб чиқилди.

    ✔ 21    🕔 09:42, 14.06.2024
  • Кимни алдаяпмиз ўзи?

    Кимни алдаяпмиз ўзи?

    Экилмаган кўчатни экилган деб ёзаётганларга тоза ҳаво керак эмасми?

    ✔ 37    🕔 09:42, 14.06.2024
  • Чўл бағридаги  табиат туҳфаси

    Чўл бағридаги табиат туҳфаси

    Қорақалпоғистон Республикаси бир-биридан хушманзара жойлари, ноёб табиати билан кўпчиликни ўзига мафтун қилиб келади. Бу ерда қадимий кўллар мавж уриб туради.

    ✔ 21    🕔 09:23, 14.06.2024
  • Дарахткушлик  икки баробар камайди

    Дарахткушлик икки баробар камайди

    Ноқонуний дарахт кесиш ҳолатлари мораторий эълон қилиниши натижасида икки баробарга камайгани кузатилди: 2020 йил – 10536,  2023 йил – 5472.

    ✔ 24    🕔 09:22, 14.06.2024
  • Янтоққа  пайвандланган қовун

    Янтоққа пайвандланган қовун

    Бундан қарийб минг йил олдинги манбаларда юртимиздан Бағдод халифасига махсус карвон билан қовун ташилгани тўғрисида ёзилган.

    ✔ 25    🕔 09:19, 14.06.2024
Ҳаммасини кўриш 

Фойдали манбаалар