Чоршанба
24-Июн 2026
Экология, атроф-муҳитни муҳофаза қилиш ва иқлим ўзгариши вазирлиги табиий, ресурслар, ўсимлик ва ҳайвонот дунёсини асраш борасида доимий назорат олиб бормоқда. Назорат қанчалик кучли йўлга қўйилганига қарамасдан, соҳага оид ҳуқуқбузарликлар ҳалигача тугагани йўқ.
Вазирлик аввалроқ Сирдарё ҳудудида ноқонуний балиқ овлангани ва ҳайвонот дунёсига 679 миллион 400 минг сўм зарар етказилгани ҳолатини аниқлаган эди. Ҳолат юзасидан тегишли ҳуқуқий чора кўрилди. Бу ҳақда матбуотда эълон ҳам қилинди. Лекин ҳали айрим кимсалар бундай ҳолатдан тегишли хулоса чиқариб олмаган кўринади.
Ўтган ҳафтада Бухоро вилояти Экология, атроф-муҳитни муҳофаза қилиш ва иқлим ўзгариши бошқармаси тезкор назорат гуруҳи шу каби яна бир ҳолатни аниқлади. Ғиждувон туманида жойлашган Шўркўл сув омборида экологик назорат рейд тадбири давомида шу туманда яшовчи икки нафар фуқаро томонидан электр токи ёрдамида ноқонуний балиқ овлаш ҳолати аниқланган. Улар 17 дона зоғора ва Ўзбекистон Республикаси Қизил китобига киритилган бир дона Туркистон мўйловдори овланган.
Ҳуқуқбузарлик оқибатида табиатга 107 миллион 532 минг сўм зарар етказилган.
Ҳолат юзасидан 18 дона балиқ ҳамда 1 дона резина қайиқ ашёвий далил тариқасида олиб қўйилган. Тегишли органларга бирламчи ҳужжатлар юборилиб, ҳозирда тергов-суриштирув ҳаракатлари олиб борилмоқда.
Инсон ўз нафсини қондириш учун табиатга шунчалик зарар етказиши қайси мантиққа тўғри келади? Бундан оқилона хулоса чиқарилмаса, қатъий ҳуқуқ назорати олдида жавоб берилиши тайин.
Рейд тадбирлари республикамизнинг барча ҳудудларида мунтазам давом этмоқда.
Давлатимиз раҳбари жорий йил 14 майда «Экологик тоза ҳудудларнинг ҳуқуқий мақоми белгиланиши муносабати билан «Муҳофаза этиладиган табиий ҳудудлар тўғрисида»ги Ўзбекистон Республикаси қонунига қўшимча киритиш ҳақида»ги қонунни имзолади.
Батафсил
Бугунги кунда жаҳон иқтисодиёти чуқур трансформация босқичини бошдан кечирмоқда. Геосиёсий ўзгаришлар, таъминот занжирларидаги узилишлар, рақамли технологиялар ва сунъий интеллектнинг жадал ривожланиши давлатлар олдига мутлақо янги вазифаларни қўймоқда.
Батафсил
Самарқанд яна бир халқаро мулоқот майдонига айланди. «Silk Road Samarkand» мажмуасида ўз ишини бошлаган «Eco Expo Central Asia 2026» халқаро экологик кўргазмаси нафақат экологлар ва инвесторларни, балки минтақанинг барқарор ривожланиш истиқболларига бефарқ бўлмаган минглаб мутахассисларни бир жойга жамлади.
Батафсил
Давлатимиз раҳбари жорий йил 14 майда «Экологик тоза ҳудудларнинг ҳуқуқий мақоми белгиланиши муносабати билан «Муҳофаза этиладиган табиий ҳудудлар тўғрисида»ги Ўзбекистон Республикаси қонунига қўшимча киритиш ҳақида»ги қонунни имзолади.
Бугунги кунда жаҳон иқтисодиёти чуқур трансформация босқичини бошдан кечирмоқда. Геосиёсий ўзгаришлар, таъминот занжирларидаги узилишлар, рақамли технологиялар ва сунъий интеллектнинг жадал ривожланиши давлатлар олдига мутлақо янги вазифаларни қўймоқда.
Самарқанд яна бир халқаро мулоқот майдонига айланди. «Silk Road Samarkand» мажмуасида ўз ишини бошлаган «Eco Expo Central Asia 2026» халқаро экологик кўргазмаси нафақат экологлар ва инвесторларни, балки минтақанинг барқарор ривожланиш истиқболларига бефарқ бўлмаган минглаб мутахассисларни бир жойга жамлади.
Мамлакатимизда амалга оширилаётган кенг кўламли ислоҳотларнинг асл мазмун-моҳияти чекка ҳудудлар, айниқса, маҳаллалар ҳаётида яққол бўй кўрсатмоқда.
Бугунги глобал ўзгаришлар даврида атроф-муҳитни муҳофаза қилиш масаласи бутун дунёда тобора долзарб аҳамият касб этмоқда. Иқлим ўзгариши, ҳаво ва сувнинг ифлосланиши, табиий ресурсларнинг камайиб бориши инсон ҳаёти ва келажагига жиддий хавф туғдирмоқда.
