Буюк Британияда илк марта ВИЧ-инфекцияси (ОИВ) билан касалланган катта ёшдаги беморнинг соғайиши қайд этилди. Оксфорд ва Кембриж университетлари, шунингдек, Лондон университети ва Қироллик коллежлари шифокорларининг оламшумул кашфиёти тўғрисида «The Sunday Times» газетаси мақола чоп этган.

XX аср вабосидан 44 ёшли британиялик бемор соғайди. У вирусга қарши махсус терапиядан муваффақиятли ўтган 50 кишидан бири ҳисобланади.

Олимларнинг сўзларига қараганда, янги усул ОИВни нафақат вирус энг фаол бўлган ҳудудларда, балки бутун организм бўйлаб топиш ва йўқ қилиш имконини беради. Аммо тадқиқотчилар вирус устидан тўлақонли ғалаба қозонилди, дейишга ҳали эрталигини айтмоқда. Агар бемор қони вирусдан бутунлай «тоза» чиқса, у ҳолда бу ВИЧ-инфекциядан илк шифо топиш ҳолати бўлади.