Жума
23-Май 2025
Бугун глобаллашув даврида атроф табиий муҳитни муҳофаза қилиш, экологик хавфсизликни таъминлаш, табиий ресурслардан оқилона фойдаланиш, биохилма-хилликни сақлаш, экологик вазиятни яхшилаш масалалари инсоният олдидаги энг муҳим ва долзарб вазифа ҳисобланади.
Таъкидлаш жоиз, мамлакатимизда бу соҳада изчил ислоҳатлар олиб борилмоқда, қонунчилик такомиллаштирилмоқда, зарур шароитлар яратилмоқда. Бироқ қурилиш, ишлаб чиқариш ва урбанизация кўламининг кенгайиши, корхоналар, ташкилотлар, иншоотлар томонидан атроф табиий муҳитга, жумладан атмосфера ҳавосига ифлослантирувчи моддаларни нормадан ортиқ даражада ташланиши атмосфера ҳавоси таркибида зарарли моддаларнинг ортишига, атроф табиий муҳит ифлосланишига олиб келмоқда. Бу эса ўз навбатида, фуқароларнинг ҳаёти ва соғлиғига салбий таъсир кўрсатмоқда.
Яқинда давлатимиз раҳбари томонидан имзоланган «Ўзбекистон Республикасининг айрим қонун ҳужжатларига ўзгартиришлар киритиш тўғрисида»ги қонун ҳам экологик соҳада олиб борилаётган ислоҳотларнинг ҳуқуқий асосини мустаҳкамлашга қаратилгани билан аҳамиятлидир.
Мазкур қонун билан «Табиатни муҳофаза қилиш тўғрисида»ги, «Атмосфера ҳавосини муҳофаза қилиш тўғрисида»ги ҳамда «Экологик назорат тўғрисида»ги қонунларга давлат органлари томонидан тадбиркорлик субъектларининг фаолиятини чеклаш ёки тўхтатиб туриш тўғрисидаги қарорларни, биринчи навбатда, аҳолининг ҳаёти ва соғлиғига хавф юзага келишининг олдини олиш заруриятини ҳисобга олган ҳолда қабул қилиш асосларини аниқлаштирувчи ўзгартиришлар киритилди.
Ҳужжат билан ваколатли давлат органларига фавқулодда вазиятлар, эпидемиялар ҳамда фуқароларнинг ҳаёти ва соғлиғига атроф табиий муҳитнинг нормативдан ортиқ даражада ифлосланиши билан боғлиқ хавф юзага келишининг олдини олиш мақсадида ўн иш кунидан кўп бўлмаган муддатга чеклаш, тўхтатиб туриш ваколати бериляпти.
Умуман олганда, ушбу қонун экологик вазиятни яхшилашга, аҳолининг ҳаёти ва соғлиғига хавф юзага келишининг олдини олишга, коррупциявий омилларни бартараф этишга, ваколатли давлат органларининг, ишлаб чиқариш фаолияти билан шуғулланиб келаётган субъектларнинг ушбу йўналишдаги масъулиятини оширишга хизмат қилади.
Моҳира ХЎЖАЕВА,
Олий Мажлис Қонунчилик палатаси
депутати
Ўрмонлар иқлимни мувозанатда ушлаб турувчи, биологик хилма-хилликни сақловчи муҳим экотизим ҳисобланади. Статистик маълумотларга кўра, табиий биохилма-хилликнинг 80 фоизи ўрмонларда жойлашган.
Батафсил
Яқинда Президентимиз Шавкат Мирзиёев Хоразм вилоятига ташрифи чоғида Хонқа туманидаги «Собиржон Юсуф» оилавий фермер хўжалиги даласида ҳам бўлди.
Батафсил
Чиқиндихоналар давлат тасарруфига берилгач, уларга эътибор, муносабат ва бошқарув ҳам тубдан ўзгарди деса бўлади. Эгасиз ва қаровсиз, ўз ҳолига ташлаб қўйилган, кўз ўнгимиздаги салбий манзарадаги чиқиндихоналар эндиликда тобора тартибга кирмоқда.
Батафсил
Ўрмонлар иқлимни мувозанатда ушлаб турувчи, биологик хилма-хилликни сақловчи муҳим экотизим ҳисобланади. Статистик маълумотларга кўра, табиий биохилма-хилликнинг 80 фоизи ўрмонларда жойлашган.
Яқинда Президентимиз Шавкат Мирзиёев Хоразм вилоятига ташрифи чоғида Хонқа туманидаги «Собиржон Юсуф» оилавий фермер хўжалиги даласида ҳам бўлди.
Чиқиндихоналар давлат тасарруфига берилгач, уларга эътибор, муносабат ва бошқарув ҳам тубдан ўзгарди деса бўлади. Эгасиз ва қаровсиз, ўз ҳолига ташлаб қўйилган, кўз ўнгимиздаги салбий манзарадаги чиқиндихоналар эндиликда тобора тартибга кирмоқда.
Бутун дунё экологик вазият ҳақида қайғурмоқда. Иқлим ўзгариши ва бошқа экологик таҳдидларга қарши курашиш бўйича деярли барча мамлакат турли чоралар кўрмоқда. Дарахт экиш, чиқиндиларни саралаш ва қайта ишлаш, ҳавога чиқаётган заҳарли газларни камайтириш, электромобилларга ўтиш...
Олий Мажлис Қонунчилик палатаси депутати Жавлон Абдуллаев ўрганишлар чоғида туман марказий шифохонаси ва поликлиникасидаги ҳолат билан яқиндан танишди. Ушбу муассасада одамлар саломатлиги учун шифокорлар гўё қаҳрамондек курашяпти. Лекин, афсуски, уларнинг қўлидаги асбоблар тизимнинг ўзидек чарчаган.
