Газетамизнинг ўтган сонида Қўшкўпир тумани Ғозовот қишлоғида яшовчи Нурбек Рўзметов билан турмуш қуриб, бахтли ҳаёт кечираётган япониялик Микако Сугавара ҳақида мақола чоп этилган эди.

Шундан сўнг Ўзбекистон Экологик партияси Хоразм вилоят кенгаши, вилоятдаги маданий марказлар ҳамда маҳалла фаоллари ҳамкорликда япониялик келин Микаколар хонадонида бўлишди. Микако Сугавара билан Япония ва Ўзбекистон ўртасидаги экологик маданият ва ёшларда атроф муҳитга бўлган муносабат тўғрисида самимий суҳбат бўлди.

Япониялик келин суҳбат давомида деҳқончилик қилиши, гуллар парваришлашни яхши кўриши ҳақида гапирди. Ўз юртидан ширин маккажўхори, қовоқ, қовун-тарвуз уруғларини олиб келиб, мўл ҳосил олганини айтиб берди.

Суҳбат сўнгида Микако Сугавара қуриган Орол денгизи тубига бориб ўз кўзи билан кўриш орзуси борлиги ва бу ҳақда юртдошларига таассуротларини улашишни мақсад қилганини айтди. Партия фаоллари келгусида Оролга бўладиган экотурда албатта Микакони олиб кетишга ваъда беришди.