Португалиялик экофаоллар 650 мингта сигарет қолдиғини тўплаб, Лиссабондаги марказий майдонга ташлашди. Бу тасодифий ташланган сигарет қолдиғи унчалик кичик муаммо эмаслигини кўрсатди.

Бундай чиқиндилар табиий равишда парчаланмайди, шунингдек, кўплаб токсинлар, оғир металлар ва кимёвий моддаларни ўз ичига олади.

Чекиш нафақат соғлиғингизга зарар етказади, балки атроф муҳитга катта салбий таъсир кўрсатади.

Ҳар сафар сигарет чекаётганингизда атмосферага кимёвий моддалар тарқалиб, ҳавони ифлослантиради. Aммо бу сигаретанинг борлиққа зарар етказишининг ягона усули Эмас. Тамакини қуритиш учун ҳар йили тахминан 5 миллион гектар (600 миллион дарахт) ўрмон йўқ қилинади. Ҳар 300 та сигарет учун битта дарахтнинг бошига етилади.

Турли ҳисоб-китобларга кўра, дунёда бир миллиард килограммга яқин сигарет қолдиғи чиқинди сифатида ташланади.

Чекиш ўрмонларимиз, уйларимиз ва боғларимиз учун бевосита таҳдиддир. Ташланган сигарет қолдиқлари катта ёнғинлар билан боғлиқ. Юзлаб одамларнинг ҳаётига зомин бўлиб, жуда катта моддий зарарга олиб келади.

Сигарет қолдиқлари йўлларимизда энг кўп учрайдиган заҳарли чиқиндилар (умумий чиқинди миқдорининг 34 фоизигача) бўлиб, улар бутунлай парчаланмайди.

Ёмғир ёғса, кўчаларимизда ётган сигарет қолдиқлари, ариқлар дарё ва сув омборларимизга ювилади. Сигарет қолдиқлари таркибидаги заҳарли кимёвий моддалар бизнинг сув экотизимимиз ва чучук сув микроорганизмлари учун таҳдиддир.

Сигарет қолдиғи тоза сувда 12 ойгача, денгиз сувида эса, 5 йилгача парчаланиши мумкин. Ёш қушлар, денгиз тошбақалари ва бошқа денгиз жонзотларининг ошқозонида сигарета қолдиқлари топилган.