Қуритилган ўрик юракка қувват бўлиб, ортиқча вазндан қутулишда ёрдам беради. Организмдаги калий моддаси ювилиб кетишининг олдини олади.

Чунки у калий ва антиоксидантларга бой. Мунтазам истеъмол қилинганида организмни зарарли холестериндан тозалайди. Шунингдек, қалқонсимон без хасталиклари ва қандли диабетда ҳам фойдали.

Унинг таркибида калий, кальций, магний, фосфор, темир, мис, марганец, кобальт каби фойдали минераллар мавжуд.

Қадимда халқимиз ҳолдан тойган беморларга ўрик шарбати тавсия этишган. Ўрик шарбати меванинг ўзига қараганда енгил ўзлаштирилади.

Ўрик шарбати ҳомиладор аёллар, қолаверса болалар учун жуда фойдали ҳисобланади. Чунки у кўп миқдордаги калций тузлари ва темир моддасига эга. 150 грамм ўрик шарбати ичиш орқали организмнинг каротинга бўлган кунлик эҳтиёжини қондириш мумкин.

Кечқурун қуритилган ўрик устидан қайноқ сув қуйиб саҳарда ичилса, ич қотиш (колит) касалидан фориғ бўлади. Кўпгина касалликлар ичнинг ўз вақтида сурилмаганидан келиб чиқади.

Баъзи бир мамлакатларда ўрикдан 50 га яқин таом тайёрлашади. Масалан, Ҳиндистонда «Хунза» қабиласи ўрикдан турли таомларни тайёрлаб, шарбатларини истеъмол қилар экан. У ердагиларнинг ўртача умри 100-150 ёш экан.