Чоршанба
24-Июн 2026
Ўзбекистон Энергетика вазирлиги қайта тикланувчи энергия манбалари лойиҳаларини ишлаб чиқишда нафақат электр станцияларини қуриш учун таклиф этилаётган объектлардаги, балки унинг атрофида 50 километр радиусдаги экологик вазиятни ўрганиш ва мониторинг қилишга ҳам устувор аҳамият қаратади.
Ушбу ишлар Энергетика вазирлиги мутахассислари томонидан қатор маслаҳатчилар, эколог ва экспертлар билан биргаликда олиб борилмоқда. Электр станциясини ўраб турган барча биологик хилма-хиллик, чумолидан тортиб жайрон ва бургутгача, шунингдек, яқин атрофдаги ўсимликлар ва ер ости сувлари тўғрисида маълумотлар йиғилади.
Масалан, Европа тикланиш ва тараққиёт банки (ЕТТБ) кўмагида Қорақалпоғистон Республикасида қуввати 200 МВтга яқин бўлган шамол электр станциясини (ШЭС) қуриш лойиҳаси бўйича ана шундай ишлар амалга оширилди.
Тадқиқотлар жараёнида лойиҳа атрофидаги ҳудудда ноёб бургутлар, какликлар, қирғийлар, тўрғайлар ва чумчуқларнинг кам учрайдиган турлари, турна ва кўкқарғалар, тулки ва жайронлар топилди.
Кузатишлар натижаларига кўра, халқаро миқёсда тан олинган экспертлар томонидан экология ва биохилма-хилликни сақлаш бўйича барча халқаро меъёр ва стандартларга мос келадиган ҳисобот тайёрланди. Ўтказилган кузатишлар қушлар ва сутэмизувчиларнинг ҳаракатларини таҳлил қилиш мумкин бўлган эҳтимолий хавфларни аниқлаш ва уларни бартараф этиш режасини тайёрлаш имконини берди.
Ўрганиш жараёнига атроф муҳитни муҳофаза қилиш ва биология соҳасида мамлакатимиздаги таниқли мутахассислар жалб этилди.
Таъкидлаш жоизки, ушбу тайёргарликларсиз саноат миқёсидаги йирик шамол электр станциясини қуришнинг имкони бўлмас эди.
Шуни қўшимча қилиш керакки, Ўзбекистон Республикаси Энергетика вазирлиги томонидан Жаҳон банки, Халқаро молия корпорацияси, Осиё тараққиёт банки, Европа тикланиш ва тараққиёт банки каби нуфузли халқаро ривожланиш институтлари кўмагида қуёш ва шамол электр станцияларини қуриш лойиҳаларини амалга ошириш, шу жумладан уларнинг экологик экспертизасини ўтказиш бўйича лойиҳалар амалга оширилмоқда.
Энергетика вазирлиги
матбуот хизмати
Болалар касал бўлиб қолса, аксарият ота-оналар сабабни вируслардан, овқатланишдан ёки иммунитетдан излайди. Аммо шундай омиллар борки, улар ҳар куни фарзандларимиз билан бирга нафас олади, улар ичадиган сувга, истеъмол қиладиган озиқ-овқатга ва ҳатто руҳиятига таъсир кўрсатади. Бу – экологик муҳит.
Батафсил
Тоғнинг тик қояси бағридаги уяда бургут палапони дунёни юқоридан кузатиб турибди. Борлиқ жуда кўркам. Охири уфққа туташиб кетган денгиз. Тўлқинлар узра ўйноқлаб учган қушлар. Эҳ-ҳе, ҳавасинг келади!
Батафсил
Тасаввур қилинг: тонг отмоқда, қуёш нурлари юртимизнинг бепоён кенгликларини ёритмоқда. Сиз фарзандингиз билан маҳалла четидаги ариқ бўйига сайрга чиқдингиз. Лекин кўзингиз тиниқ сувга эмас, балки ариқ ичига ташланган турли чиқиндилар, қурилиш материаллари бўлаклари, шамолда учаётган полиэтилен пакетларга тушади.
Батафсил
Болалар касал бўлиб қолса, аксарият ота-оналар сабабни вируслардан, овқатланишдан ёки иммунитетдан излайди. Аммо шундай омиллар борки, улар ҳар куни фарзандларимиз билан бирга нафас олади, улар ичадиган сувга, истеъмол қиладиган озиқ-овқатга ва ҳатто руҳиятига таъсир кўрсатади. Бу – экологик муҳит.
Тоғнинг тик қояси бағридаги уяда бургут палапони дунёни юқоридан кузатиб турибди. Борлиқ жуда кўркам. Охири уфққа туташиб кетган денгиз. Тўлқинлар узра ўйноқлаб учган қушлар. Эҳ-ҳе, ҳавасинг келади!
Тасаввур қилинг: тонг отмоқда, қуёш нурлари юртимизнинг бепоён кенгликларини ёритмоқда. Сиз фарзандингиз билан маҳалла четидаги ариқ бўйига сайрга чиқдингиз. Лекин кўзингиз тиниқ сувга эмас, балки ариқ ичига ташланган турли чиқиндилар, қурилиш материаллари бўлаклари, шамолда учаётган полиэтилен пакетларга тушади.
Бугунги кунда Ўзбекистон боғдорчилигида «функционал озиқ-овқат» яратиш даври бошланди. Энди боғбонларимиз меванинг йириклиги билан бир қаторда унинг таркибидаги инсон саломатлиги учун фойдали моддалар миқдорини ошириш устида ҳам изланиш олиб бормоқдалар.
Бугун ҳудудларда экологик барқарорликни таъминлаш, аҳолининг яшаш шароитларини яхшилаш ҳамда санитария ва ободонлаштириш ишларини тизимли ташкил этиш давлат сиёсатининг муҳим йўналишларидан бири бўлиб қолмоқда.
