Aфрика саванналарида кўплаб табиатшунос олимларни ҳайратга солувчи воқеа кузатилган. У ерда яшовчи бабуин маймунлари доимий равишда янги туғилган шер болаларини ўғирлашга ҳаракат қилишади.

Ҳаттоки бу вазифани бажариш учун улар махсус гуруҳ ҳам ташкил қилишар экан.

Бу ҳолат табиатшунос тадқиқотчиларни жуда ҳам қизиқтириб қўйди. Ахир қандай қилиб маймунлар қўрқмай бундай хавфли йиртқичнинг, яна «ҳайвонлар қироли» деб ном олган шернинг боласини ўғирлашлари мумкин?

Аниқланишича, бу маймунлар шерлар учун осон ва мазали ўлжа ҳисобланар экан. Йил давомида жуда кўплаб маймунлар шерлар учун ўлжага айланган. Натижада маймунларда шерлардан ҳимояланиш эҳтиёжи пайдо бўлган. Улар келажакда рўй бериши мумкин бўлган хавфнинг олдини олиш мақсадида шерларни кичиклик вақтида йўқ қилишга ҳаракат қилишган ва доимий равишда шер болаларини ўғирлаб, уларни ўлдиришган. Жуда қизиқ-а?