Цюрих Олий техника мактабининг бир гуруҳ тадқиқотчилари сайёрамиз ядроси аввал айтилганидан ҳам бир ярим баробар тез совиб бораётганини аниқлашди. Олимларнинг тадқиқот натижалари яқинда Earth and Planetary Science Letters илмий журналида чоп этилди.

«Биз мантия ва ядро чегарасида иссиқлик ўтказувчанлик аввал ўйлаганимиздан тахминан бир ярим баробар юқори эканини аниқладик. Бу ядродан чиқаётган иссиқлик тўлқини анча юқори экани ва ўз навбатида, мантия конвекцияси ҳам жуда юқори эканини билдиради», — дея таъкидланади мақолада.

Илмий эксперимент пайтида мутахассислар лаборатория шароитида Ернинг туташ қатламларидаги материаллар иссиқликни қандай ўтказишини ўргандилар. Олинган маълумотлар сайёрамиз марказида нималар бўлаётганини баҳолашга ёрдам беради, дейди олимлар.

Илмий тадқиқотчилар шуни таъкидлайдики,  Ер сайёраси ўзининг пайдо бўлган давридан буён совуб келмоқда. Бироқ ушбу жараённинг тезлиги ҳақидаги тасаввурлар сайёрамиз эволюцияси бўйича тушунчаларни ўзгартириб юбормоқда, чунки вулқонлар отилиши ва тиктоник плиталарнинг ҳаракатга келиши ҳам шунга боғлиқ экани айтилади.

Ядронинг совиши натижасида Ер фаол бўлмай қўяди ва Меркурий ёки Марсга ўхшаган  Қуёш тизимидаги қаттиқ сайёрага айланади, дейди олимлар.