Чилининг Атакама чўлидаги тоғ чўққилари орасида биттаси алоҳида ажралиб туради. Чунки у минглаб кийим-кечаклардан ташкил топган «тоғ»дир. Бу «тоғ» ҳар йили 39 тонна кераксиз кийимлар билан тўлдирилади.

Минглаб тонна сотилмаган кийимлар Лотин Америкасидан Чилига сотиш учун олиб келинади. Улар шунчалик кўпки, ҳаммасини сотишнинг асло иложи йўқ ва уларнинг кўп қисми чиқиндига ташланади. Маҳаллий аҳоли ушбу кийимлар полигонидан сотиш ёки кийиш учун кийимларни танлаб олади. Аммо бу жудаям кам фоизни ташкил қилади.

БМТнинг 2019 йилги ҳисоботига кўра, 2000-2014 йиллар оралиғида тўқимачилик ишлаб чиқарилиши икки бараварга ошган. Бундан ташқари, кераксиз кийим ва пойабзаллар жуда секин парчаланади ва тахминан 200 йилда табиатдан бутунлай йўқолиши мумкин.