Ўн йил олдин Германиялик 9 ёшли Феликс Финкбайнер ўз олдига бир миллион дарахт экишни мақсад қилиб қўяди.

Кўп ўтмай бу эзгу ниятни амалга оширишга унинг тенгдошлари ҳам талабгор бўлиб чиқишди. Улар ташкил қилган тўгарак аъзоларининг сафи тезлик билан кенгайиб борди ва кўп ўтмай Plant for the Planet лойиҳасига асос солинди.

Бир неча йил давомида болакай улкан муваффақиятларга эришди: Феликс БМТда нутқ сўзлади ва тўгарак аъзолари ёрдами билан 14 миллиондан ошиқ дарахт экилиб, парвариш қилинди.

Бугун Plant for the Planet лойиҳасининг дунё бўйлаб 100 мингдан ошиқ аъзолари фаолият олиб бормоқда. Улар Ер сайёрасидаги ҳар бир киши бошига 150 тадан дарахт экишни мақсад қилишган.

PS: Бизнинг ҳали ўрнак оладиган жиҳатларимиз кўпга ўхшайди. Айниқса, «дарахткесар» раҳбарларга бу хабарни албатта ўқитиш керак.

Саида тайёрлади.