Итнинг вафодорлиги ҳақида адабиётимизда жуда кўп асарлар ёзилган. Уларни севиб ўқиганмиз. Болалигимизда шундай жонивор боқиб олишни ҳаммамиз ҳам орзу қилганмиз. Ушбу ҳикоямиз ана шундай садоқатли ит ҳақида.
Ўзбекистон Журналистлар ижодий уюшмаси Сирдарё вилоят бўлими томонидан Жиззах вилояти Хўжамушкент ота зиёратгоҳига медиа-тур уюштириладиган бўлди. Тонг саҳарда бир гуруҳ журналистлар марҳум касбдошларимизнинг қабрларини зиёрат қилиш учун Гулистон туманидаги Дўстлик қабристонига йўл олдик. Марҳумларнинг руҳи покларига Қуръон тиловат қилдик.
Диққатимизни бир неча қадам наридаги қабр устида чўккалаган итнинг ириллаши ўзига тортди. Қабрнинг усти теп-текис, бамисоли ям-яшил гиламдек сунъий қоплама қопланган. Атрофига панжара ҳам ўрнатилмаган (Балки марҳумнинг яқинлари томонидан атай шундай қилингандир). Унинг устида каттагина бир ит бошини олд оёқлари орасига олиб мўлтираб ётибди. Яқинига боргандик, ириллаб турганча бизни қабр ёнига йўлатмади. Афтидан, ҳожаси қазо қилиб ит унинг қабри устида мотам тутиб ётгандек таассурот уйғотди бизда. Узоқдан суратга олдик. Марҳумнинг қабри устига қора мармардан обида ўрнатилган экан. Суратни катталаштириб ҳам ўқий олмадик.
Қабристон шайхи саҳар мардонлаб келмаган экан. Шу ерда ётиб қабристонда қўшимча қурилиш қилаётган ёлланма ишчилар эндигина ўрниларидан туриб юз-қўлларини ювишаётган экан. Ит ҳақида улардан сўрадик. Улар марҳумнинг кимлигини билишмас экан, лекин ит хўжаси бандаликни бажо келтиргандан буён қабр устида қўриқчилик қилаётганини айтиб беришди. Масалага ойдинлик киритиш учун Дўстлик қабристонига боришга азм қилсак-да, ҳалигача мавридини топмадик. Бироқ итнинг хўжасига вафоси ҳаммамизнинг дилимизда қолди.
Баъзида садоқат ва вафода жониворлар ҳам инсонларга ўрнак бўлиши мумкин экан.
Муҳаммадали АҲМАДИЙ
Жанггоҳлардан омон қайтган Абдуғани ота
🕔15:12, 10.05.2024
✔22
Инсоният тарихидаги энг мудҳиш Иккинчи жаҳон уруши жанггоҳларида бир неча юз минг ўзбек йигитлари немис-фашист босқинчиларига қарши мардонавор курашган. Уларнинг мардлиги, жасорати, қаҳрамонликлари, умуман, ибратли ҳаёт йўли келажак авлод учун ҳамиша ибрат мактаби бўлиб қолади.
Батафсил
Яшил ўтлоқларни соғиндим...
🕔16:34, 02.05.2024
✔38
Апрель – баҳорнинг энг ҳузурбахш, дилга ёқимли палласи. Қирларнинг ям-яшил тус олиши, қизғалдоқларнинг қийғос очилиши ажиб тароват бахш этади. Диққинафас шаҳарлардан зериккан юрак мана шундай гўзалликдан барҳаманд бўлиш учун табиат қўйнига ошиқади.
Батафсил
Умр боғини безайдиган яхшиликлар
🕔19:40, 21.03.2024
✔64
Баҳор фаслининг дастлабки ойида яшар эканмиз, аллақачон қалбимизга баҳорий туйғулар кириб келган.
Батафсил