Душанба
24-Август 2026
Ҳар гал сайлов яқинлашса депутатлар фаоллашади, турли ваъдалар бериб, қилинадиган ишлар ҳақида соатлаб сўзлашади. Бироқ уларнинг ҳаммаси ҳам амалда берилган ваъдаларнинг устидан чиқавермайди. Ана шундай вақтларда халқимиз «Шу депутат бизга нима берди?» дея эътироз билдириши ҳам тайин. Тан олиш керак, беш қўл баробар эмас. Бироқ халқ дарди билан яшайдиган депутатлар ҳам борлигини унутмаслигимиз зарур.
Ана шундай жонкуярлардан бири Самарқанд вилояти Тойлоқ тумани Халқ депутатлари туман кенгаши депутати Муниса Жўрақуловадир. Унинг ташаббуслари билан қилинган ишлар бугун уни депутатликка сайлаган халқнинг ишончи ва эътирофига сазовор бўлмоқда.
Ҳамма ўз фарзандининг қулай шароитларга эга масканларда таълим-тарбия олишини истайди. Депутат ёрдами билан Ястепа маҳалласида 120 ўринли иккита, Навзандак маҳалласида битта боғчанинг қурилгани эса ушбу маҳалладагилар ва болажонлар учун ҳақиқий қувонарли воқеа бўлди, десак адашмаймиз. Айниқса, навзандакликларнинг боши осмонда. Чунки бу маҳаллада ўттиз йилдан бери болалар боғчаси фақат орзуларда бўлган.
Бу билан қилинаётган амалий ишлар чегараланиб қолгани йўқ. Тумандаги 28-мактабнинг тўлиқ таъмирдан чиқарилиши, уч километр йўлнинг асфальт қилиниши, мактаб ва қишлоқ аҳолисининг ичимлик сув билан таъминланиши, шу маҳаллада бунёд этилган жоме масжиди ҳам берилган ваъдалар амалга кўчаётганини исботлаб турибди. Савобли ва халқ манфаати учун хизмат қиладиган ташаббуслар ҳали давом этмоқда. Навзандак маҳалласида қўшимча 240 ўринли мактаб биноси, спорт зал, фаоллар зали, маҳалла идорасининг янги биноси, Янги Қишлоқ врачлик пунктида қурилиш жараёнлари давом этмоқда.
Экопартия депутати бош бўлаётган хайрли ишларни кузатар эканмиз, қўлини дуога очаётган, сайловда ўз танловини тўғри амалга оширганидан мамнун бўлаётган, маҳаллаю кўчалари ободлигидан дили яйраётган инсонлар кўзидаги қувонч бор. Улар депутатга мурожаат қилишдан олдин «югур-югури менга керакми, ҳал қилиб берадими ё йўқми ҳали», дея иккиланишмайди. Муаммо борми, бемалол эшик қоқишади. Депутатнинг эшиги халқ дардини тинглаш учун доимо очиқлигини билишади.
Бахтигул ҒАНИЕВА,
Ўзбекистон Экологик партияси Самарқанд вилоят бўлими
матбуот котиби
Мустақиллик – халқимизнинг энг улуғ ва бебаҳо қадрияти. У бизга ўз тақдиримизни ўзимиз белгилаш, миллий тараққиёт йўлидан дадил бориш, юртимизни бунёдкорлик ва фаровонлик масканига айлантириш имконини берди.
Батафсил
Мушуклар қулоқларини 180 даражагача айлантира олади, уларнинг эшитиш қобилияти эса инсонникидан камида беш баравар юқори.
Батафсил
Ўзбекистон Экологик партияси органик маҳсулотлар етиштириш, халқимиз эҳтиёжини экологик тоза маҳсулотлар ҳисобига қоплаш масаласи учун доимий курашиб келмоқда.
Батафсил
Мустақиллик – халқимизнинг энг улуғ ва бебаҳо қадрияти. У бизга ўз тақдиримизни ўзимиз белгилаш, миллий тараққиёт йўлидан дадил бориш, юртимизни бунёдкорлик ва фаровонлик масканига айлантириш имконини берди.
Мушуклар қулоқларини 180 даражагача айлантира олади, уларнинг эшитиш қобилияти эса инсонникидан камида беш баравар юқори.
Ўзбекистон Экологик партияси органик маҳсулотлар етиштириш, халқимиз эҳтиёжини экологик тоза маҳсулотлар ҳисобига қоплаш масаласи учун доимий курашиб келмоқда.
Бугун тезкор технологиялар, сунъий интеллект ва глобаллашув асрида яшаяпмиз. Ҳар бир ота-она фарзандининг энг яхши мактабларда ўқишини, бир нечта хорижий тилларни мукаммал билишини, замонавий касбларни эгаллашини хоҳлайди.
Ҳар йили 11 июль санаси бутун дунёда Халқаро аҳоли куни сифатида кенг нишонланади. Бу сана аҳоли сонининг ўсиши, инсон саломатлиги, оила фаровонлиги, хотин-қизлар ҳуқуқларини таъминлаш ва барқарор тараққиёт масалаларига жамоатчилик эътиборини қаратишда муҳим аҳамият касб этади.
