Қирғизистон Чегара хизмати 2 июнь куни давлат чегарасининг қирғиз-тожик участкасида ўқотар қуролдан фойданилган ҳолда яна можаро юз бергани ҳақида хабар берди.

Тарқатилган хабарда қирғиз чегарачиларининг маълум қилишича, Қирғизистоннинг Боткен туманидаги Эки-Таш деган жойда 2 июнга ўтар кечаси Тожикистон томонидан номаълум шахс ов милтиғидан Қирғизистоннинг 1982 йилда туғилган фуқороси Б.Б.нинг Ўш-Исфана йўлида ҳаракатланаётган машинасига қарата бир неча бор ўқ узган.
«Ҳайдовчи ўқдан енгил жароҳат олди ва Самарқандек қишлоғидаги шифохонага олиб борилди. Тунда икки мамлакат ҳуқуқ-тартибот идоралари вакилларининг учрашуви бўлиб ўтди. Ҳозир ҳодиса жойида милиция ходимлари ишламоқда, улар жойни, автомашинани кўздан кечиришди ва бошқа тергов тадбирларини ўтказдилар», – дея хабар берди Қирғизистон чегара хизмати. Тожикистон томони ҳозирча ҳодиса бўйича изоҳ бермади.
Бу сўнги ойда қурол ишлатилган ҳолда чегарада юз берган тўртинчи ҳолатдир. Икки қўшни мамлакат чегарачилари бир-бирларини можаро келтириб чиқаришда ва чегаранинг у томонида отишма содир этишда айблаб келмоқда.