Қозоғистон президенти Қасим-Жомарт Тоқаев 25 май куни сиёсий партиялар ва сайловлар тўғрисидаги қонунчиликка киритиладиган қўшимча ва ўзгартишларга оид қонунни имзолади.

Ўзгартишлар рўйхатдан ўтмоқчи бўлган сиёсий партиялар аъзолари сонини 40 мингдан 20 мингга камайтиришни кўзда тутади. Бундан ташқари, сиёсий партияларнинг сайлов рўйхатига аёллар ва ёшлар учун квота ўрнатилади — бу икки категориянинг ҳар бири учун камида 30 фоизлик квота белгилаб қўйилди. 
Экспертлар ва фаоллар ­фикрича, қонуннинг бу косметик янгиланиши чекловлар моҳиятини деярли ўзгартмайди. Аммо мамлакат ҳукуматининг таъкидлашича, ўзгартишлар 18 миллионлик аҳолига эга бўлмиш мамлакатда  сиёсий партия ташкил қилиш тартибини енгиллаштиради ҳамда ёшлар ва хотин-қизларни сиёсатга жалб қилиш учун ижобий самара беради. Ҳужжатни танқид қилувчиларнинг фикрича эса, парламентга мустақил номзодларни илгари суриш учун имконият бермайди ва партия майдонидаги вазиятни ўзартирмайди.
Қозоғистонда расман олтита партия рўйхатдан ўтган.