Туркманистонлик Алмаз Сеидов ўз телефонига ўйинларни юклаб олмоқчи бўлганида «iРhone»идаги хатони топди ва бу ҳақда Apple компанияси вакилларига маълум қилди. Улар эса хатони тан олиб, ақлли йигитга 3,5 минг АҚШ доллари миқдорида мукофот жўнатди.

Туркиянинг Hurriyet нашрининг хабар беришича, 22 ёшли Сеидов икки йил муқаддам Туркияга келган ва Кастамона университетининг математика факультетига ўқишга кирган. У университет таълим жараёнидаги технологиялар ва Apple дастурларидаги тизимли хатоларни топиш билан шуғулланган.
Саидов бундан аввал ҳам Applе маҳсулотларидаги тизимли носозликларни топган эди. Бунга қадар йигитча ўз дўстининг телефонидаги  Apple хатосини топган ва 250 лира ютиб олган эди.
Бу гал у «Apple Store»да ўйин юклаш вақтида носозликни пайқаб қолди ва вазият борасида компанияга маълум қилди. Шундан сўнг компания Сеидовни 25 минг лира билан мукофотлаб, миннадорлик мактуби йўллаган.
Алмаз Сеидов эндиликда бошқа компаниялар маҳсулотлари операцион тизимларининг хатоларини топиш билан ҳам шуғуланмоқчи.