Тожикистонда мактабларда ота-оналардан пул тўплаш қонунга зид, дея баёнот берди мамлакат таълим ва фан вазирлиги.
 

Вазирлик матбуот котиби Эхсони Хушвахтнинг айтишича, мактабларда ота-оналардан ҳар қандай усул билан пул йиғиш қонунга зиддир. «Ҳа, бизга, айрим мактабларда ўқувчиларнинг, ҳатто биринчи синфлар ўқувчиларининг ота-оналаридан пул йиғишаётгани ҳақида хабарлар келиб тушмоқда, аммо бу фактлар тасдиқланмади», – дейди у.
Ота-оналар фақат қўшимча дарслар учунгина пул тўлашлари мумкин. «Тўлов шартномага асосан амалга оширилиши ҳамда қўшимча машғулотлар жадвали тасдиқланиши керак, ота-оналарга эса тўлов ҳақида квитанция берилади», дея изоҳ берди вазирлик расмийси.
Кўп ҳолларда маъмурият пул тўплашни мактабни ободонлаштириш зарурияти билан изоҳлайдилар. «Вазирлик фармойишига кўра таъмирлаш, мебель ва жиҳозлар сотиб олиш, фаррошлар ва қоровуллар хизмати учун мажбуран пул тўплаш қатъиян ман қилинган, дейилади tnews.uz хабарида.