Марказий Осиё мамлакатлари ичида энг паст солиқ юки Қирғизистонда, энг юқориси Тожикистонда. ​​​​​​​

«Paying Taxes — 2019» рейтингига кўра, умумий солиқ ставкаси Қирғизистонда 29 фоизни ташкил этади. Бу кўрсаткич Қозоғистонда 29,4%, Ўзбекистонда 32,1% ва Тожикистонда 67,3%.

Рейтингга кўра, жаҳондаги энг паст солиқ ставкаси бўлган олтилик рўйхатига Бруней (8%), Грузия (9,9%), Қатар (11,3%), Қувайт ва Македония (13%) давлатлари киритилган. Энг кўп солиқ тўланадиган давлатлар қаторидан эса Аргентина (106%), Колумбия (71,9%), Афғонистон (71,4%) ўрин олган.

Paying Taxes агентлиги Жаҳон банки билан 14 йилдан буён ҳамкорликда тадқиқотлар олиб боради. Агентлик экспертлари жорий йилда ҳам 190 давлатнинг солиқ қонунчилиги ва амалиётини таҳлил қилишган, дейилади 24.kg хабарида.