Туркманистон ҳукумати ёшларни ёт мафкуравий ғоялардан ҳимоя қилиш мақсадида ўзининг миллий «Биз бярде» («Биз шу ердамиз», ёки қисқача номи — «Би-Би») ижтимоий тармоғини ишга туширди.

Расмий тақдимотда «Би-Би» иловаси 5 мингдан ортиқ Андроид фойдаланувчиси томонидан юклаб олинди. Ижтимоий тармоқдан фойдаланиш қоидаларига кўра, фойдаланувчининг ёши 13 дан паст бўлмаслиги керак. Аккаунтидан эълон қилинган ҳар қандай маълумот учун фойдаланувчи жавоб беради. У бошқаларни ҳақорат қилмаслик, ортиқча безовталикка сабаб бўлмаслик ва таҳдид қилмасликка мажбур. Маъмурият олдиндан огоҳлантирмасдан ва тушунтиришсиз хизматлар кўрсатишни тўхтатиб қўйиш ҳуқуқига эга.

Orient нашри хабарига кўра, мафкуравий бузғунчилик, ахлоқсизлик ва порнографик материалларини тарқатувчи хорижий ижтимоий тармоқларга кириш чегаралаб қўйилади.