Тожикистонда ўтган 11 ой мобайнида карам нархи 2 баробарга, бензин — 18 фоизга, авиабилетлар нархи — 23 фоизга кўтарилди.

Ушбу даврда истеъмол товарлари секторида инфляция кўрсаткичи 5,1 фоизни ташкил қилди. Бу ўтган йилнинг шу даврига нисбатан 0,4 фоиз кўпдир. 

Статистикага кўра, умумий ҳисобда озиқ-овқат маҳсулотлари нархи йил бошига нисбатан 4,8 фоизга ошган. Хусусан, сабзи — 2 баробарга, сариёғ — 31,5 фоиз, гуруч — 19,3 фоиз, пахта ёғи — 11,1 фоиз, ун (биринчи нав) — 10,3 фоизга кўтарилган. Шунингдек, ноозиқ-овқат истеъмол товарлари 5,5 фоиз, хизмат кўрсатиш соҳасида нарх 5,8 фоизга ошгани қайд этилган.

Ҳукумат инфляцияни 7 фоиздан оширмасликка ҳаракат қилмоқда. Ўтган йили бу кўрсаткич 6,7 фоизни ташкил этганди, дейилади news.tj хабарида.