Қирғизистонда бош вазирнинг собиқ ўринбосари Дуйшенбек Зилалиев устидан жиноий иш очилди. У мансабдор шахснинг ноқонуний бойлик орттириши билан боғлиқ модда бўйича айбланмоқда.

Мамлакат миллий хавфсизлик давлат қўмитаси Д.Зилалиевнинг ишдан олиниши ва жиноят иши бўйича баёнот берди. Собиқ мансабдор 2011 — 2017 йилларда ҳукуматнинг турли раҳбарлик вазифаларида мансаб ваколатини суиистеъмол қилиб, давлат мулкини ноқонуний ўзлаштириш билан шуғулланган.

Текширув давомида тижорат банкларининг бирида 890 минг АҚШ доллари миқдоридаги манбаси номаълум шахсий жамғармаси аниқланган (бу очиқ ўз номига ҳужжатлаштирилгани). Бундан ташқари, даромадлар декларациясида қайд этилмаган, шунингдек, ўзгалар номига расмийлаштирилган тураржой ва мол-мулклари ҳам топилган, дейилади akipress хабарида.