Европа истеъмолчилар ҳуқуқларини ҳимоя қилиш жамияти (BEUC) «Google» компаниясини миллионлаб фойдаланувчиларнинг шахсий маълумотларига эга бўлиш, кузатиш ва назорат қилиш ҳаракати устидан жавобгарликка тортиш масаласини қўймоқда.

Ташкилот буни Европа Иттифоқининг янги қабул қилинган шахс маълумотларини ҳимоя қилиш қонунга зидлиги билан изоҳламоқда.

Reuters хабарида айтилишича, «Google» фойдаланувчиларни турли йўллар билан «турган жой тарихи» ёки «веб-қидирув илова тарихи» функцияларидан фойдаланишга тобе қилиб қўймоқда. Ўз навбатида, бу «Google»га йиллар давомида фойдаланувчи ҳақида, унинг турган жойи бўйича катта маълумотлар базаси тўпланишига олиб келмоқда.

BEUC ташаббусини иттифоқнинг Нидерландия, Польша, Чехия, Греция, Норвегия ва Швеция давлатлари ҳам қўллаб-қувватлашган.