Британия умумхалқ телерадиокомпанияси («BBC») «BBC 100 Women» номи билан 2018 йилда жаҳоннинг энг инсонпарвар ва эътиборли 100 нафар аёли рўйхатини эълон қилди.

Рўйхатга 15 ёшдан 94 ёшгача бўлган лидер, ихтирочи, яратувчи оддий аёллар танлаб олинган. Эътиборлиси, ушбу рўйхатда Марказий Осиё давлатларидан Қирғизистон ва Ўзбекистон вакиласи ҳам бор.

Рўйхатда 8-ўринни қирғизистонлик 19 ёшли талаба-дастурчи Алина Анисимова эгаллаган. У ватанида сунъий йўлдош яратиш борасида аёллар мактабини очган. Ҳамюртимиз 61 ёшли ўқитувчи Лейла Белялова тоғ экотизимини сақлаб қолиш ҳамда қушларни ҳимоя қилиш бўйича олиб бораётган ишлари билан оддий аёл сифатида 13-ўриндан жой олган.

«BBC» талқини бўйича биринчи ўрин нигериялик 33 ёшли тадбиркор аёлга берилди. Унинг «GirlsCoding» нодавлат ташкилоти аёлларни веб-сайт яратишга ўргатади.