Россия қамоқхоналарида жазо ўтаётган чет элликларнинг энг кўпи — Тожикистон, Ўзбекистон, Озарбайжон ва Қирғизистон фуқаролари. Бу ҳақда Россия Федерал жазони ижро этиш хизмати (ФЖИХ) маълумотларига асосланиб, RT News (ТВ-Новости) хабар тарқатган.

2018 йил 1 июль ҳолатига кўра, мамлакат қамоқхоналарида 27 780 нафар чет эллик жазо ўтамоқда. 2017 йилнинг биринчи ярми билан таққослаганда бу кўрсаткич 5,5 фоизга камайган. Ачинарлиси, уларнинг 90 фоизидан кўпроғи оғир ва ўта оғир жиноят содир этгани учун жазоланмоқда:  наркотик моддаларнинг ноқонуний савдоси — 39%, қотиллик — 12%, номусга тегиш — 6%. 

Россия мигрантлар федерацияси президенти Вадим Коженовнинг айтишича, Россия қамоқхоналаридаги чет элликлар сони Россияга келаётган мигрантлар сони қисқаргани боис камайган.