Қозоғистонлик ёш дастурчилар жамоаси АҚШда ўтказилган NASA танловида биринчи ўринни эгаллади. Уларнинг вулқон ва астероидлар  ҳаракатини тадқиқ этишга ихтисослашган дастури «Энг яхши қўлланилган дастурий таъминот» («The best use of hardware») йўналиши бўйича олий совринга муносиб топилган, дейилади zakon.kz нашрида.

«Nasa Space Apps challenge» Ер ва Коинот борасида тадқиқотлар ўтказишга йўналтирилган халқаро танлов ҳисобланади. У фазовий тадқиқотларнинг глобал масалаларини ечиш ва оммалаштиришда IТ-соҳасидан унумли фойдаланишга қаратилган. Жорий йилги танловда 70 мамлакатдан 25 минг дастурчи ва ёш олим иштирок этди.

Қозоғистонлик ёшлар дастури NASA маълумотларини тасодифий сонларнинг квант генератори асосида таҳлил қилиш ва эҳтимолий табиий офатлар рўй беришини олдиндан аниқлашга қаратилган.