Кўпгина ноқулайликларни келтириб чиқарувчи ҳолатлардан бири бу оёқ терлашидир. Ноҳуш ҳид нафақат ўзингизга, балки бошқаларга ҳам салбий таъсир кўрсатиши мумкин. Бу каби муаммолардан қутулиш ҳар кимни ҳам ўйлантириб қўяди. Хўш, бунинг чораси қандай?

Оёғингизни антибактериал совун билан кунига икки маҳал — эрталаб ва кечқурун албатта ювинг. Сўнгра уларни сочиқ билан яхшилаб артинг. Гигиена қоидаларига риоя этиш оёқ терлашини йўқотишда энг асосий омилдир.

 Ҳар куни пайпоқларни алмаштиринг. Улар албатта тоза бўлиши лозим. Сунъий (синтетик) маҳсулотлар мумкин эмас, фақатгина табиий хомашёдан тайёрланган пайпоқ ва оёқ кийимларидан фойдаланинг.

 Оёқ кийимингиздан ҳаво ўтиб туриши ҳам муҳим. Шунингдек, оёқ кийимларни ташқи томондан ҳам, ички томондан ҳам тозалаб юришни канда қилманг.

 Махсус бактерия ва замбуруғларга қарши спрейдан фойдаланинг. Шунингдек, талк ёки болалар баданига сепиладиган махсус кукундан ҳам фойдаланишингиз мумкин.