Сўнгги пайтларда Ҳиндистон ҳукумати маҳаллий аэропортларда полиция ходимларининг сайёҳларга ҳаддан ташқари дўстона муносабат кўрсатаётганидан ташвишда.

Шу сабаб полиция ходимларига «кенг илжайиш»дан «меъёрида» жилмайишга ўтиш борасида кўрсатма берилди, дея хабар тарқатди РАА «Новости».

Аэропортлар ва парвозлар учун масъул Ҳиндистон саноат хавфсизлиги кучлари раҳбарияти (СISF) ходимларнинг «дўстона эмас, балки ҳушёрроқ бўлиш»ини истамоқда. Бундай қизиқ ёндашувлар биринчи марта кузатилаётгани йўқ. Масалан, шу йил ёзда Карнатака штатида полиция бошқармаси истеъфога чиқариб юбориш билан қўрқитиб, офицерлардан ортиқча вазнни йўқотишни талаб қилган.

Бир штатда мўйловли полициячига фуқаролар яхши муносабат кўрсатади дея ҳисоблаб, мўйлов қўйган офицерларнинг маоши оширилган.