Қозоғистоннинг Қозоқ миллий тиббиёт университети спорт тиббиёти, биоинформатика ва фармацевт-косметолог соҳасига ихтисослашган мутахассисларни тайёрлай бошлади.

Бу ҳақда олийгоҳ ректори Талгат Нурғожин Алмати шаҳри аҳолиси билан кадрлар тайёрлаш борасида ҳисобот учрашувида маълум қилган.

Спорт соҳаси шифокор-остеопат мутахассиси Туризм ва спорт қозоқ академияси билан биргаликда тайёрланади. Ахборот технологиялари халқаро университети билан ҳамкорликда биотехнологлар ўқитилади. Улар биологик ахборотнинг математик таҳлили ҳамда генетик мутация жараёнини прогнозлаш борасида технологик дастурлар яратиш билан шуғулланади. Фармацевт-косметологлар эса, соҳада инсон саломатлигига салбий таъсири бўлмаган дори воситалари яратиш устида иш олиб боради, дейилади «Казинформ» хабарида.