Янги 20 доллар банкнотида АҚШ тарихида қулликка қарши кураш олиб борган афроамерикалик Гарриет Табмен қиёфаси тасвирланади.

У Америка валютасининг сўнгги юз йиллик тарихида тасвири туширилган илк аёл мақомини олади, дея хабар тарқатади «Gazeta.ru».

Мамлакат молия вазирлиги маълумотига кўра, Табменнинг сурати  еттинчи президент Эндрю Жексон портрети ўрнига қўйилади. Шунингдек, 10 долларлик купюрада Гамильтон портрети сақланган ҳолда, орқа томонида мамлакат тарихида из қолдирган, аёллар ҳуқуқларининг таниқли фаоллари — «Туйғулар декларацияси» муаллифи Элизабет Стэнто, собиқ қул Сожорнер Трут, фаоллардан Лукреция Мотт ва Сьюзен Энтони, шунингдек, аёлларга сайлов ҳуқуқини олиб берган Элис Пол сиймолари тасвири туширилади.

Ўзгартиришлар киритилган банктнотлар 2020 йилда муомалага киритилиши режалаштирилган.