Жума
24-Октябр 2025
Китоб ўқиш, ўқиганда ҳам уни тушуниб ўқишда ҳикмат катта. Китоб ўқишнинг инсон руҳияти ва саломатлигига фойдаси ҳақида улуғ аллома Абу Али ибн Синонинг ҳаётидан олинган ушбу лавҳа диққатга сазовор.
Айтишларича, Бухоро амири Нуҳ ибн Мансурнинг саройида жуда бой кутубхона бўлган, аммо унга кириш учун ҳаммага ҳам рухсат этилмаган. Бир тасодиф туфайли Ибн Сино ўша кутубхонага кириш ва китоблардан фойдаланиш ҳуқуқига эга бўлади…
Кунларнинг бирида амир касал бўлиб қолади. Сарой табиблари уни даволай олмайди. Шунда Бухоро табиблари орасида эндигина ном чиқариб келаётган Ибн Сино ҳақида гапиришади. Амир уни саройга чақиришларини буюради. Ибн Сино амирни даволайди. Бундан хурсанд бўлган амир уни сарой табибларига бошлиқ этиб тайинлайди. Ибн Сино амирдан кутубхонадан фойдаланишга рухсат олади. Шундай қилиб, машҳур олим амир кутубхонасидан фойдаланиш ҳуқуқига эга бўлади.
Ҳозирги кунда китоб ўқиш учун барча шарт-шароит етарли, аммо айрим ёшларимиз китоб ўқиш учун вақти йўқлиги, фанлар бўйича тайёрлов курсларига бориш кераклигини важ қилиб, ҳеч қандай бадиий адабиёт ўқимаётгани жуда афсусланарли ҳолдир.
Мен ҳам ўқитувчи сифатида ўқувчиларимга бот-бот китоб ўқишнинг афзалликлари, унинг инсон ҳаётидаги беминнат ёрдами хусусида уқтираман. Яқинда уларни китоб ўқишга бўлган қизиқишларини ошириш мақсадида она тили дарсимда 35 нафар ўқувчининг ҳар бирига кутубхонадан биттадан бадиий китоб олиб, мавзуга доир гаплар топиб ёзишларини топшириқ қилиб бердим. Қарасам, мен берган топшириқ қолиб ўқувчилар қўлларидаги асарларни ўқишга тушиб кетишди. Топшириқни бажаринг десам, ўқувчилар: «Устоз, мана бу асар қизиқ экан, топшириқни уйда бажариб келамиз, озроқ ўқийлик, илтимос», — дейишди. Аввалига топшириқни бажаришмагани учун бироз ранжидим, бироқ шу пайтгача китоб ўқишга вақтимиз йўқ, деяётган ўқувчиларнинг китобга бўлган меҳри озроқ бўлса-да уйғонганини кўриб дилим равшан тортди. Дарс якунида ҳар бир ўқувчи ўзига берилган бадиий асарни олиб, ўқиб келишини айтди. Мен ҳам бундан анча мамнун бўлиб дарсимни якунладим.
«Мени ташвишга солаётган масала – ёшларимизни касб-ҳунарли қилиб, доимий даромад топиши учун шароит яратиш. Агар буни тўғри йўлга қўйсак, маҳаллада камбағал ва ишсиз қолмайди».
Шавкат МИРЗИЁЕВ
Батафсил
Китоб ўқимаган, китобга ошно бўлмаган бола – бугунги ахборот асрида, билим ва технологиялар даврида «замонавий қул»га айланади. Мактаб кутубхоналарининг бой бўлиши, ўқувчи-ёшларнинг чинакам китоб мутолаасига одатланиши ана шундай улкан муаммога қарши муносиб ечим бўлиши шубҳасиз.
Батафсил
Юртимиз бўйлаб V республика «Китобхонлик ҳафталиги» бошланди
Батафсил
«Мени ташвишга солаётган масала – ёшларимизни касб-ҳунарли қилиб, доимий даромад топиши учун шароит яратиш. Агар буни тўғри йўлга қўйсак, маҳаллада камбағал ва ишсиз қолмайди».
Шавкат МИРЗИЁЕВ
Китоб ўқимаган, китобга ошно бўлмаган бола – бугунги ахборот асрида, билим ва технологиялар даврида «замонавий қул»га айланади. Мактаб кутубхоналарининг бой бўлиши, ўқувчи-ёшларнинг чинакам китоб мутолаасига одатланиши ана шундай улкан муаммога қарши муносиб ечим бўлиши шубҳасиз.
Юртимиз бўйлаб V республика «Китобхонлик ҳафталиги» бошланди
Жиноий жазолар нафақат жазолаш, балки шахсни тузатиш ва жамиятга қайта мослашиш жараёни сифатида ҳам қаралиши керак. Олий Мажлис Қонунчилик палатасидаги Ўзбекистон Экологик партияси фракциясининг йиғилишида муҳокама қилинган янги қонун лойиҳаси айнан шу тамойилга асосланган. Унга кўра, маҳкумлар ўз устида ишласа, хусусан, китоб ўқиб, имтиҳон топширса, жазо муддати қисқартирилади.
«Боболаримиз китоб топишга қийналар эдилар: ҳозир эса биз китоб танлашга қийналамиз. Мутолаа учун жуда зийрак бўлмоқ керак».
