Трампнинг етти мусулмон мамлакат: Ироқ, Сурия, Эрон, Ливия, Сомали, Судан ва Яман фуқароларининг АҚШга киришига 90 кунлик тақиқни кўзда тутувчи қарори кўплаб сиёсатчилар ва давлат арбобларининг кескин танқидига учради. 

Хусусан, Германия канцлери Меркель «террорчиларга қарши кураш учун бундай чораларни қўллаш баҳона бўла олмаслиги»ни таъкидлаган. Франция ва Буюк Британия ташқи ишлар вазирлари ҳам «муайян миллат ва эътиқодга мансублик туфайли кишиларни гумон остига олиш адолатдан бўлмаслиги»ни маълум қилишган.

Араб давлатлари лигаси ташкилоти расмий Вашингтоннинг бу қароридан «чуқур хавотир»ини билдирган. Эрон бу қарорга худди шундай чеклов билан жавоб қайтарилишини эълон қилган. Италия, Дания, Швеция, Норвегия ва Канада ҳукуматлари ҳам танқидий позицияда.