Экология      Бош саҳифа

Тошкент ва  Самарқанд ФАОнинг «Яшил шаҳарлар» тармоғига қўшилди

Тошкент ва Самарқанд шаҳарлари Бирлашган Миллатлар Ташкилотининг Озиқ-овқат ва қишлоқ хўжалиги ташкилоти (ФАО) «Яшил шаҳарлар» тармоғига аъзо бўлди.

Тошкент ва   Самарқанд ФАОнинг «Яшил  шаҳарлар»  тармоғига қўшилди

ФАОнинг Римдаги бош қароргоҳи ҳузуридаги «Яшил шаҳарлар» ташаббуси котибияти томонидан 2026 йил 20 августда берилган сертификатларда Тошкент ва Самарқанд ФАО «Яшил шаҳарлар» тармоғига аъзо шаҳарлар сифатида расман қайд этилган.

Тармоққа қўшилиш орқали бу икки шаҳар яшилроқ, соғломроқ, бардошли ва инклюзив шаҳар муҳитини ривожлантириш йўлида ҳамкорлик қилаётган глобал шаҳарлар ҳамжамиятига кирди. Мазкур тармоқ комплекс шаҳар кўкаламзорлаштириш ёндашувлари орқали барқарор шаҳар ривожланишини илгари суриш ҳамда аъзо шаҳарлар ўртасидаги ҳамкорликни мустаҳкамлашга хизмат қилади.

Ушбу тармоқ учта асосий йўналиш бўйича комплекс ечимлар ва стратегияларни илгари суради: шаҳар ва шаҳар атрофи ўрмон хўжалиги, шаҳар ва шаҳар атрофи қишлоқ хўжалиги ва барқарор биоиқтисодиёт.

ФАО «Яшил шаҳарлар» тармоғига аъзолик Тошкент ва Самарқанд шаҳарларига техник кўмак олиш ва салоҳиятни ривожлантириш, билим ва тажриба алмашиш, шаҳарлараро ҳамкорлик платформаларида иштирок этиш, тегишли глобал асослар ва экологик кун тартибларига мувофиқликни таъминлаш бўйича кўмак олиш, шериклик алоқаларини ривожлантириш, ресурсларни сафарбар этиш ва инвестицияларни жалб қилиш, шунингдек, барқарор шаҳар ечимларини илгари сураётган етакчи шаҳарлар сифатида халқаро мақомини ошириш имконини беради.

2020 йилда бошланган ГСИ (Яшил шаҳарлар ташаббуси) лойиҳасининг мақсади 2030 йилга келиб 1 000 та шаҳарда истиқомат қилувчи аҳолининг саломатлиги ва фаровонлиги, шунингдек, атроф-муҳит ҳолатини сезиларли даражада яхшилашга кўмаклашишдан иборат. Тармоқ доирасидаги ҳамкорлик ФАО «Яшил шаҳарлар» коммюникеси ҳамда ФАОнинг Яшил шаҳар тамойиллари ва мезонларига асосланади.

2025 йилда бўлиб ўтган Биринчи халқаро Яшил шаҳарлар конференциясида тақдим этилган «Яшил шаҳарлар» коммюникеси яшил шаҳарлар глобал ҳаракатини ривожлантириш бўйича умумий қарашлар ва жамоавий мажбуриятларни ифодалайди. ФАОнинг Яшил шаҳар тамойиллари ва мезонлари эса Яшил шаҳарлар ташаббусининг концептуал асослари ва йўналтирувчи тамойилларини белгилайди.

Яқин кунларда ФАО Яшил шаҳарлар ташаббуси котибияти дастлабки ўзини ўзи баҳолаш жараёни бўйича қўшимча йўриқномаларни тақдим этади. Ушбу жараён шаҳарларнинг устувор йўналишларини аниқлаш ҳамда уларнинг эҳтиёжларига мос техник кўмакни шакллантиришга хизмат қилади.




Ўхшаш мақолалар

Ўзбекистон ва жаҳон  «Боку жараёни»  Озарбайжон билан ҳамкорликнинг  гуманитар мезонлари

Ўзбекистон ва жаҳон «Боку жараёни» Озарбайжон билан ҳамкорликнинг гуманитар мезонлари

🕔11:16, 20.11.2026 ✔44

Маданиятлар ва цивилизациялараро самарали мулоқотни йўлга қўйиш мақсадида 2008 йилда «Боку жараёни» платформасига асос солинган эди.

Батафсил
Иқтисодий фаровонлик ва аҳоли саломатлигига  кўринмас  таҳдид

Иқтисодий фаровонлик ва аҳоли саломатлигига кўринмас таҳдид

🕔10:50, 20.11.2026 ✔42

Ҳозир айни пишиқчилик палласи. Бозор ёки супермаркетга кирганимизда пештахталардаги ялтироқ олмалар, йирик помидорлар, бир текис ранг олган бодринглар эътиборимизни тортади.

Батафсил
Полигонга  кўмилаётган  ресурс

Полигонга кўмилаётган ресурс

🕔15:33, 12.11.2026 ✔97

Айланма иқтисодиётнинг узлуксиз занжири: чиқиндиларни бошқариш, тўлов тизими ва ҳуқуқий тартибга солиш

Батафсил
Ҳаммасино кўриш

Сонларни танлаш

Пайшанба, 30-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 19 18 17
16 15 14 11 10 9 8
7 6 5 4 3 2 1

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар