Якшанба
20-Сентябр 2026
Экологик тарбия – шунчаки назарий билимлар ёки табиат ҳақидаги қуруқ маърузалар йиғиндиси эмас. Бу инсоннинг атроф-муҳитга бўлган муносабатини белгилайдиган, болаликдан шаклланиб, умрбод сақланиб қоладиган дунёқараш ва муҳим ҳаётий кўникмадир.
Дунё тажрибаси ва замонавий педагогик тадқиқотлар шуни кўрсатадики, илк ёшдан экологик маданияти шаклланган инсон улғайгач, сувни тежаш, чиқиндиларни алоҳида йиғиш ва табиий ресурслардан оқилона фойдаланишни ўзининг кундалик одатига айлантиради. Шу боис, ёш авлодда экологик масъулиятни шакллантириш бугунги иқлим ўзгаришлари ва атроф-муҳит муаммолари кучайган даврда стратегик вазифага айланмоқда.
Ана шундай муҳим мақсадларни ҳаётга татбиқ этиш мақсадида Андижон вилоятида «Она табиатни асраш» шиори остида «Долзарб 90 кун» лойиҳаси амалга оширилди. Ёзги таътил давомида вилоятдаги 13 та болалар оромгоҳида 29 маротаба турли маънавий-маърифий, экологик ва спорт тадбирлари ташкил этилиб, уларга 2 450 нафар ўқувчи қамраб олинди. Тадбирлар шунчаки ҳордиқ чиқариш эмас, балки болаларга сувни тежаш, чиқиндиларни саралаш ва атроф-муҳитни ифлослантирмасликнинг амалий усулларини ўргатишга қаратилди.
Интерфаол викториналар, расмлар кўргазмаси, экологик суҳбатлар ва спорт беллашувлари орқали болалар табиат муҳофазаси фақат катталарнинг иши эмас, балки ҳар бир кишининг кундалик ҳаракатларига боғлиқ эканини англаб етдилар. Лойиҳа давомида ўзининг зукколиги ва ташаббускорлиги билан ажралиб чиққан 67 нафар фаол ўқувчи диплом ҳамда эсдалик совғалари билан тақдирланди. Бу каби рағбатлантириш ёшларда экологик ташаббусларга бўлган қизиқишни янада кучайтиради.
Лойиҳанинг аҳамияти шундаки, у фақат оромгоҳлар ҳудуди билан чекланиб қолмай, жамоатчилик ўртасида ҳам кенг тарғиб қилинди. Ижтимоий тармоқлар орқали жами 23 312 нафар фойдаланувчи экологик тарғибот тадбирларидан хабардор бўлди. Шундан 15 765 нафари Telegram, 4 900 нафари Facebook ва 2 647 нафари Instagram тармоқлари ҳиссасига тўғри келади. Шунингдек, тадбирлар ҳудудий телеканаллар орқали ҳам кенг ёритилди.
Экологик тарбия – жамият келажагига тикилган энг манфаатли сармоя. Болаликда табиатга меҳр қўйган, унинг ҳар бир неъматини қадрлашни ўрганган инсон эртага она табиатга зарар етказмайди, аксинча, уни асраш учун масъулиятни ўз зиммасига олади. Соғлом муҳит, мусаффо ҳаво ва тоза сув манбаларини келажак авлодга бекаму кўст етказиш айнан шундай кичик, аммо изчил қадамлардан бошланади.
Ферузахон ҚУРБОНОВА,
ЎЭП Андижон вилоят кенгаши раиси ўринбосари
Иқтисодий ислоҳотларда янги босқичга кўтарилиш, барқарор тараққиёт омиллари билан ҳамоҳанг ривожланиш бугунги куннинг асосий талабига айланиб бормоқда. Барча масалаларда шу жиҳатни инобатга олиш кун тартибидаги долзарб масала тусини олди.
Батафсил
Ўзбекистонда ов қилиш ва овчилик хўжаликлари фаолиятини янада такомиллаштиришга қаратилган қонун қабул қилинди. Мазкур Қонун билан «Ҳайвонот дунёсини муҳофаза қилиш ва ундан фойдаланиш тўғрисида», «Қурол тўғрисида» ҳамда «Ов қилиш ва овчилик хўжалиги тўғрисида»ги қонунларга ўзгартириш ва қўшимчалар киритилди.
Батафсил
Самарқанд шаҳридаги Ориф Гулханий уй-музейи томонидан салкам чорак асрдан буён «Самарқандни гулга буркаймиз! 1+10» гулсеварлар ҳаракати ҳамда «Ҳар бир ўқувчининг ўз гули бўлсин!» ёш гулсеварлар экологик тадбирлари мунтазам ўтказиб келинмоқда.
Батафсил
Иқтисодий ислоҳотларда янги босқичга кўтарилиш, барқарор тараққиёт омиллари билан ҳамоҳанг ривожланиш бугунги куннинг асосий талабига айланиб бормоқда. Барча масалаларда шу жиҳатни инобатга олиш кун тартибидаги долзарб масала тусини олди.
Ўзбекистонда ов қилиш ва овчилик хўжаликлари фаолиятини янада такомиллаштиришга қаратилган қонун қабул қилинди. Мазкур Қонун билан «Ҳайвонот дунёсини муҳофаза қилиш ва ундан фойдаланиш тўғрисида», «Қурол тўғрисида» ҳамда «Ов қилиш ва овчилик хўжалиги тўғрисида»ги қонунларга ўзгартириш ва қўшимчалар киритилди.
Самарқанд шаҳридаги Ориф Гулханий уй-музейи томонидан салкам чорак асрдан буён «Самарқандни гулга буркаймиз! 1+10» гулсеварлар ҳаракати ҳамда «Ҳар бир ўқувчининг ўз гули бўлсин!» ёш гулсеварлар экологик тадбирлари мунтазам ўтказиб келинмоқда.
Орол фожиаси инсоният тарихидаги энг катта экологик офатлардан бири сифатида нафақат Марказий Осиё, балки бутун дунё жамоатчилигини ташвишга солиб келмоқда.
Баъзан одамлар учун катта кўринадиган муаммони ҳал этиш биргина қарордан бошланади. Баъзан эса бир кўчанинг асфальтланиши, бир километр канални бетонлаш ёки эскирган боғча биносининг таъмирланиши бутун бир маҳалланинг ҳаётини ўзгартиради.
