Партиянинг Жиззах вилоят кенгаши ишчи гуруҳи ташаббуси билан Шароф Рашидов туманида қишлоқ хўжалигида сув тежовчи технологияларни жорий этиш ҳолатини ўрганиш натижаларига бағишланган кенгайтирилган йиғилиш бўлиб ўтди.

Унда ўрганиш жараёнида аниқланган ҳолатлар, сув ресурсларидан самарали фойдаланиш, томчилатиб суғориш ҳамда бошқа замонавий сув тежовчи технологияларни туман миқёсида кенг жорий этиш масалалари атрофлича муҳокама қилинди. Мавжуд муаммолар ва уларни бартараф этиш бўйича аниқ таклифлар кўриб чиқилди.

Навоий вилоятида шу мавзуда ўтган йиғилиш халқ депутатлари Навоий вилоят Кенгашининг Аграр, сув хўжалиги ва экология масалалари бўйича доимий комиссияси ҳамда ЎЭП депутатлик гуруҳи ҳамкорлигида ташкил этилди. Унда қишлоқ хўжалигида сув тежовчи технологияларни жорий этиш бўйича амалга оширилаётган ишлар ҳолати атрофлича муҳокама қилинди.

Тадбирда сув ресурсларидан самарали фойдаланиш, замонавий суғориш технологияларини кенгайтириш юзасидан масъул ташкилотларнинг ҳисобот ва ахборотлари тингланди. Иштирокчилар «Ўзбекистон қишлоқ хўжалигида сувни тежайдиган замонавий технологияларни жорий этиш» лойиҳасининг иккинчи босқичи концепциясини муҳокама қилдилар.