Олий Мажлис Қонунчилик палатаси депутати Ноиба Иноятованинг Қарши шаҳридаги ўрганиш ишлари давомида «Шайх Али» шаҳарчасида партия вакиллари, маҳалла еттилиги ҳамда фуқаролар иштирокида очиқ мулоқот ташкил этилди.

Учрашув давомида аҳоли ўртасида соғлом турмуш тарзини оммалаштириш борасида олиб борилаётган ишлар ҳолати кўздан кечирилди.

Депутат фуқаролар билан бевосита суҳбатлашиб, ижтимоий-иқтисодий масалалар, инфратузилма, бандлик ва коммунал хизматлар билан боғлиқ муаммоларни тинглади.

– Бизнинг асосий мақсадимиз фақатгина муаммоларни эшитиш эмас, балки уларни ҳал этишнинг амалий йўлларини топишдир, – деди Ноиба Иноятова. – Фуқаролар билан тўғридан-тўғри мулоқот ўрнатиш ҳамда ҳар бир хонадон дардини чуқур ўрганиш орқалигина ҳудудлардаги ҳақиқий аҳволни яхшилашга эриша оламиз.

Кўтарилган масалалар партия фаоллари ва маҳалла вакиллари билан биргаликда бевосита жойига бориб ўрганилди. Бу каби учрашувлар муаммоларни ўз вақтида бартараф этишда муҳим аҳамият касб этмоқда.