Олий Мажлис Қонунчилик палатаси депутати, ЎЭП фракцияси аъзоси Наврўзбек Юсупов Избоскан туманидаги «Туячи» маҳалласида бўлиб, маҳалла «еттилиги» фаолияти билан яқиндан танишди.

Ўрганиш жараёнида маҳаллада аҳоли муаммоларини ҳал этиш, ижтимоий ҳимояга муҳтож оилаларни қўллаб-қувватлаш ҳамда аҳоли бандлигини таъминлаш борасида амалга оширилаётган ишлар таҳлил қилинди. Шунингдек, тадбиркорликни ривожлантириш масалаларига ҳам алоҳида эътибор қаратилди.

Депутат «маҳалла еттилиги» томонидан олиб борилаётган манзилли ишлар, фуқаролар билан ишлаш тизими ва эришилаётган натижаларни муҳокама қилди. Мулоқот давомида маҳалла масъулларининг таклифлари тингланиб, муаммоларни бартараф этиш бўйича амалий чора-тадбирлар белгилаб олинди.

Маҳалла фаоллари ҳудудда олиб борилаётган ободонлаштириш ишлари ва аҳоли турмуш шароитини яхшилаш борасида батафсил маълумот берди.

Наврўзбек Юсупов маҳалла тизими самарадорлигини ошириш, фуқаролар билан ишлашда очиқликни таъминлаш ҳамда мавжуд камчиликларни ўз вақтида бартараф этиш бўйича ўзининг тавсияларини билдирди.