Партиядан Олий Мажлис Қонунчилик палатаси депутати Моҳира Ходжаева Қибрай туманидаги А.Жомий маҳалласида жойлашган «Nova Plastik» корхонасида бўлиб, унинг иш жараёнини яқиндан ўрганди.

Сантехника жиҳозлари ишлаб чиқаришга ихтисослашган ушбу корхона халқаро бренд ҳисобланади.

Тадбир давомида депутат корхонада яратилган шароитлар ва ишлаб чиқариш қувватлари билан танишди.

Маълумот ўрнида айтиш жоизки, мазкур корхона жорий йилнинг январь ойида иш бошлаган. Унга 15 миллион АҚШ доллари миқдорида инвестиция киритилган. Бугунги кунда корхона 400 нафар фуқарони доимий иш ўрни билан таъминлаган. Қувонарлиси, жамоа таркибида ногиронлиги бўлган 7 нафар шахс ҳам фаолият юритмоқда.

Моҳира Ходжаева бу каби йирик инвестиция лойиҳалари ҳудуд иқтисодий салоҳиятини ошириш ва аҳоли бандлигини таъминлашда муҳим аҳамиятга эга эканини таъкидлади.