Самарқанд давлат архитектура-қурилиш университетида «Экологик хавфсизлик, меҳнатни муҳофаза қилиш ва фавқулодда вазиятларни бошқариш интеграцияси: инсон ва табиатни ҳимоя қилишга интеграциялашган ёндашув» мавзусида халқаро илмий-амалий анжуман бўлиб ўтди.

Мазкур анжуманда Ўзбекистон, Туркия, Қозоғистон, Қирғизистон, Тожикистон, Беларусь ва бошқа давлатлардан етакчи олимлар, экспертлар ва амалиётчилар иштирок этди.

Халқаро конференцияда Олий Мажлис Қонунчилик палатаси депутати, ЎЭП фракцияси аъзоси Ботирали Шодиев маъруза қилди. Таъкидланганидек, бугунги глобал шароитда экологик муаммолар, ишлаб чиқаришда хавфсизлик ҳамда фавқулодда вазиятлар хавфини бошқариш масалалари тобора мураккаблашиб бормоқда. Уч кун давомида анжуман доирасида ялпи мажлислар, шўъба йиғилишлари, илмий муҳокамалар ҳамда тажриба алмашиш сессиялари ташкил этилди.