Ғиждувон давлат ўрмон хўжалиги ҳудудида янги лойиҳа доирасида 11 гектар майдонда замонавий технологиялар билан жиҳозланган иссиқхона мажмуаси қурилмоқда.

Ушбу иссиқхонада асосан экспортга йўналтирилган дарахт кўчатлари етиштирилиши режалаштирилган.

Олий Мажлис Қонунчилик палатаси депутати Ойбек Раҳимов мазкур ҳудудда бўлиб, жараёнлар билан яқиндан танишди.

Ўрмон хўжалигининг умумий майдони 28 гектарни ташкил этади. Ҳозир бу ерда қарийб икки миллион дона манзарали ва мевали дарахт кўчатлари парваришланмоқда. Жумладан, қайрағоч, садақайрағоч, каталпа, заранг каби манзарали дарахт кўчатлари етиштирилмоқда. Ўрмон хўжалигида бир йилда 2 миллионга яқин манзарали, 300 мингга яқин мевали кўчат етиштирилади.

Кўчатлар маҳаллий ҳудудлар, Қорақалпоғистон Республикаси, Хоразм ва Навоий вилоятлари билан бир қаторда Қозоғистон ҳамда Туркманистон давлатларига экспорт қилинмоқда.