Олий Мажлис Қонунчилик палатаси депутати О.Отамуратов жойларда олиб борилаётган ўрганишлар доирасида Урганч туманидаги «Ўрта Дўрман» маҳалласида бўлиб, маҳалла фаолияти ҳамда «маҳалла еттилиги» томонидан амалга оширилаётган ишлар билан яқиндан танишди.

Ўрганишлар жараёнида маҳалла ҳудудининг ижтимоий-иқтисодий ҳолати, аҳоли турмуш шароитлари ва мавжуд инфратузилма масалалари атрофлича таҳлил қилинди. Аҳолини қийнаётган муаммолар жойида ўрганилиб, жамоатчилик вакиллари билан очиқ мулоқот ўтказилди.

Хусусан, маҳалла ҳудудидаги ички йўлларнинг таъмирталаб ҳолатда экани, газ ва электр таъминотида узилишлар мавжудлиги, аҳоли бандлигини таъминлаш билан боғлиқ масалалар кўтарилди.

Учрашув якунида мавжуд муаммоларни бартараф этиш, аҳоли яшаш шароитларини яхшилаш ҳамда маҳалла инфратузилмасини ривожлантириш юзасидан мутасадди ташкилотлар билан аниқ вазифалар белгилаб олинди.