Партия Марказий Кенгаши Ижроия қўмитаси ҳамда пойтахтимиздаги Рақамли иқтисодиёт ва агротехнологиялар университети ҳамкорлигида талаба-ёшлар иштирокида Бутунжаҳон тозалик куни муносабати билан давра суҳбати ташкил этилди. Унда ЎЭП Марказий Кенгаши масъул ходимлари, университет профессор-ўқитувчилари ва фаол талабалари қатнашди.

Сўзга чиққанлар Бутунжаҳон тозалик кунининг аҳамияти, бу борада мамлакатимизда амалга оширилаётган ишлар, айниқса жойларда ўтказилаётган экорейдлар давомида аниқланаётган муаммолар ва ҳуқуқбузарликлар ҳақида атрофлича маълумот бердилар. Табиатни муҳофаза қилиш, экологик маданиятни шакллантиришда ёшларнинг фаол иштироки жуда муҳим эканлиги алоҳида таъкидлаб ўтилди.

Самимий ва очиқ мулоқот руҳида ўтган тадбирда талабалар ўзларини қизиқтирган саволларга атрофлича жавоблар олдилар, экологик соҳадаги муаммолар бўйича ўз таклиф ва ташаббусларини билдирдилар. Қувонарлиси, кўплаб талабалар партиянинг «Кўнгилли ёшлар» сафига қўшилиш истагини билдирди.