Пайшанба
23-Октябр 2025
Ўзбекистон Экологик партиясининг Олий Мажлис Қонунчилик палатасидаги фракцияси аъзолари кўпчиликни ташвишлантириб келаётган чиқиндилар масаласи юзасидан Экология, атроф-муҳитни муҳофаза қилиш ва иқлим ўзгариши вазирига парламент сўрови юборишган эди.
Ўзбекистон Экологик партияси фракцияси ҳамда Экология ва атроф-муҳитни муҳофаза қилиш масалалари қўмитаси ташаббуси билан Экология, атроф-муҳитни муҳофаза қилиш ва иқлим ўзгариши вазири А.Абдуҳакимовга жўнатилган парламент сўровида чиқинди полигонларини мақбуллаштириш, қаттиқ маиший чиқиндиларни қайта ишлаш ҳамда утилизация қилиш борасида амалга оширилаётган ишлар юзасидан асослантирилган тушунтиришлар бериш сўралган эди.
Парламент сўровига йўлланган жавобда келтирилишича, мамлакатимизда атроф-муҳитни муҳофаза қилиш, табиий ресурслардан оқилона фойдаланиш, шунингдек, ҳудудларнинг санитария ва экологик ҳолатини яхшилаш бўйича барча зарур чора-тадбирлар амалга оширилмоқда.
Хусусан, қаттиқ маиший чиқиндиларни тўплаш, утилизация қилиш, қайта ишлаш ва кўмиш бўйича самарали тизимни яратиш мақсадида қабул қилинган «2019 – 2028 йиллар даврида Ўзбекистон Республикасида қаттиқ маиший чиқиндилар билан боғлиқ ишларни амалга ошириш стратегияси»га мувофиқ, 2019 – 2024 йилларда жами 48 та маиший чиқинди полигони рекультивация қилиниб, ёпилган.
Парламент сўровига келган жавобда қайд этилганидек, жорий йилда 18 та қаттиқ маиший чиқинди полигонини рекультивация қилиш ва тупроқ билан ёпиш кўзда тутилган. 2025 – 2027 йилларда кунига 14 минг тонна чиқиндини қайта ишлаш қувватига эга заводларни ишга тушириш режалаштирилган.
Шу билан бирга, муҳокамалар чоғида депутатлар томонидан юқоридаги Стратегияда белгиланган айрим вазифаларнинг ижросини таъминлашда муддатидан кечикиш ҳолатлари мавжудлигига эътироз билдирилди. Вазирлик бу борадаги ишларини янада жадаллаштириши зарурлиги таъкидлаб ўтилди.
Мажлисда атроф-муҳитни муҳофаза қилиш, аҳолининг саломатлигини асраш, ҳудудларнинг санитария ва экологик ҳолатини яхшилаш масалалари депутатлар корпусининг доимий эътиборида эканлиги алоҳида қайд этилди. Ўз навбатида, кун тартибидаги ушбу долзарб масала юзасидан келгусида ҳам таъсирчан парламент назорати олиб борилиши маълум қилинди.
Парламент сўровига Экология, атроф-муҳитни муҳофаза қилиш ва иқлим ўзгариши вазирининг жавоби юзасидан Қонунчилик палатасининг тегишли қарори қабул қилинди.
Одатда чиқинди полигонлари, чиқинди тўпланган жойлар ҳақида фақат масъул идоралар ёки экологлар қайғуриши керак деб ўйлаймиз. Лекин аслида бу муаммо ҳар биримизнинг ҳаётимизга, соғлиғимизга, фарзандларимизнинг келажагига боғлиқ. Агар ҳаво ифлос бўлса, бола соғлом улғаядими? Агар тупроқ ва сув чиқиндидан зарар кўрса, биз ейдиган мева-сабзавот қанчалик хавфсиз?..
Шунинг учун ҳам бу соҳада албатта жамоатчилик назорати ҳам муҳим роль ўйнайди. Умид қиламизки, парламент сўровида санаб ўтилган муаммолар тез орада ўз ечимини топади.
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Батафсил
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Батафсил
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Батафсил
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Ўзбекистон Президенти Шавкат Мирзиёевнинг очиқ ва прагматик ташқи сиёсати, узоқ ва яқин давлатлар билан ўзаро муносабатларни мустаҳкамлаш борасидаги ташаббуслари туфайли сўнгги йилларда қўшни, яқин ва узоқ мамлакатлар билан мутлақо янги – соғлом сиёсий ва иқтисодий алоқалар йўлга қўйилди.
Кеча Олий Мажлис Қонунчилик палатасининг навбатдаги йиғилишида халқимиз ҳаётини янада қулай ва фаровонлаштиришга қаратилган бир қатор қонун лойиҳалари кўриб чиқилди. Депутатларнинг қизғин муҳокамасидан ўтган лойиҳалар маъқулланиб, Сенатга юборилди.
