Ўзбекистон Экологик партияси Марказий Кенгашининг «Ҳаракатлар режаси» 98-бандига мувофиқ, маҳаллалардаги ариқлар ҳолатини назорат қилиш ва уларни соз ҳолда сақлаш чораларини кучайтириш мақсадида Самарқанд шаҳрида бир қатор амалий ишлар олиб борилмоқда. Куни кеча шаҳарда ана шундай кенг кўламда мониторинг ишлари ўтказилди.

Мониторинг ишига Ўзбекистон Экологик партияси Марказий Кенгаши раисининг биринчи ўринбосари Б. Ҳафизов бошчилигидаги ишчи гуруҳи жалб этилди.

Жарариқ ариғининг Буюк Ипак йўли кўчаси бўйлаб оқиб ўтувчи тахминан 500 метрлик қисми йўлни кенгайтириш мақсадида кўмилиб, диаметрига мос келмайдиган қувур орқали ўтказилгани аниқланди.

Сиёбча ариғининг Чуқур йўл кўчаси бўйидаги қисмида эса, аксарият савдо ва хизмат кўрсатиш шохобчаларининг оқова сув тармоқлари бевосита ариққа ташланаётгани бир қатор экологик муаммолар келиб чиқишига сабаб бўляпти.

Мазкур муаммолар юзасидан ишчи гуруҳ томонидан мутасадди ташкилотлар билан ҳамкорликда амалий чора-тадбирлар белгиланди, назорат ва тозалаш ишлари бошлаб юборилди.