ЎЭП Навоий шаҳар кенгаши раиси ташаббуси ҳамда Навоий давлат университети ҳамкорлигида «Ёшлар – келажагимиз бунёдкори!» деган эзгу ғоя асосида амалга оширилаётган «Долзарб 90 кунлик» лойиҳаси доирасида давра суҳбати ташкил этилди.

Тадбирда университетнинг фаол ва ташаббускор талабалари иштирок этиб, экологик маданиятни ривожлантириш, атроф-муҳит муҳофазаси ва бу борада ёшларнинг ўрни ҳақида ўз фикр ва мулоҳазаларини баён этдилар. Талабаларга чиқиндиларни саралаш ва камайтириш, сув ҳамда электр энергиясидан оқилона фойдаланиш, яшил ҳудудларни кўпайтириш, шунингдек, экологик лойиҳаларда фаол иштирок этиш каби муҳим тавсия ва таклифлар берилди.

Университетнинг Аниқ фанлар факультети декани Дилбар Камолова ҳам сўзга чиқиб, таълим жараёнида экологик тарбиянинг ўрни ва унинг ёшлар онгига ижобий таъсири ҳақида атрофлича тўхталиб ўтди. Талабалар билан ҳамкорликда амалга ошириладиган экологик лойиҳалар, ташаббуслар ва келгусидаги режалар муҳокама қилинди.