Бугунги кунда юртимизда аҳоли даромадини ошириш масаласи бўйича катта имтиёз ва имкониятлар берилмоқда. Аммо кимдир бундан унумли фойдаланяпти, яна кимдир эса афсуски боқимандалик кайфиятидан чиқиб кетолмаяпти.

Самарқанд тумани Ражабамин маҳалласида истиқомат қилувчи Шариповлар оиласи ҳам давлат томонидан яратиб берилаётган кенг имкониятлардан фойдаланиб, ўзларининг доимий оилавий даромадига эга бўлишган.

Олий Мажлис Қонунчилик палатаси депутати Ботирали Шодиев аҳолининг оилавий даромадни ошириш учун томорқа ер майдонларидан фойдаланиш масалалари билан танишиш мақсадида Самарқанд тумани Ражабамин маҳалласидаги Шариповлар хонадонида бўлди. Депутат омилкор деҳқон яратган иссиқхона фаолияти билан яқиндан танишди.

Уй соҳибасининг маълумотига кўра, 4 сотих иссиқхонада лимон, мандарин ҳамда бизнинг иқлим шароитида кам учрайдиган грейпфут – апельсиннинг «укаси» етиштирилмоқда. Ердан унумли фойдаланиш мақсадида, помидор, бодринг, қулупнай ва бошқа хилдаги экинлардан ҳам йил давомида ҳосил олиш йўлга қўйилган. Бу эса оиланинг фаровонлигини таъминламоқда.